Lesson 9
Koning Saul was op sy einde en het gebewe van vrees. Die hele Filistynse leër het vergader om Israel se kleiner en swakker mag aan te val. Saul kreun: "As Samuel tog net hier was, dan sou hy vir my gesê het wat ek moet doen." Maar die groot profeet van Israel het 'n paar jaar vantevore alreeds gesterf.
Die bejaarde monarg het desperaat probeer om raad of leiding van ander profete of priesters te vra, maar die Here wou nie met hom praat nie. As jong man was Saul naby aan God. Maar nadat hy die troon bestyg het, het hy wreed geword en in opstand gekom teen God se Woord. Eens het hy selfs 'n hele dorpie priesters laat vermoor. Koning Saul het aanhoudend geweier om na die Here te luister, en nou in sy nood, wou God hom nie antwoord nie.
"En Saul sê aan sy dienaars: Soek julle vir my ‘n vrou wat ‘n dodebesweerster is, dat ek na haar kan gaan en haar raadpleeg." 1 Samuel 28:7. God het duidelik sy volk beveel om nooit 'n dodebesweerder, heks of medium te raadpleeg nie (Levitikus 19:31; 20:27), maar Saul het nou min ag geslaan op God se opdrag.
Toe hy 'n vrou in Endor vind wat beweer dat sy met die dooies kommunikeer, het die koning hom vermom en haar gaan sien. Hy het vir die medium gesê: "Laat Samuel vir my opkom." Die heks het deur haar towerspreuke en betowerings gegaan totdat 'n gees, wat beweer het dat hy die profeet Samuel was, verskyn het en die koning 'n heeltemal hopelose boodskap gegee het. Die gees het voorspel dat Saul en sy drie seuns die volgende dag in die geveg sou sterf.
Die volgende dag is Saul se seuns deur die Filistyne doodgemaak, en daarna het die gewonde en moedelose koning op sy eie swaard geval en so sy eie lewe geneem (1 Samuel 31: 2-4). Wie het met Saul gepraat deur die heks-'n opgestane profeet van God, of 'n duiwelse gees in vermomming?
Was die vorm wat Saul gesien het regtig die profeet Samuel?
Kom die dooies terug om met die lewendes te gesels of hulle te spook?
Let wel: Nee! Die Bybel is baie duidelik. 'n Dooie mens doen niks en weet ook niks van wat op aarde gebeur nie.
Psalm 115:17 Die dode en almal wat na die stilte neerdaal, sal die HERE nie loof nie;
Psalm 6:6 Want in die dood word aan U nie gedink nie; wie sal U loof in die doderyk?
Job 7:10 Hy sal nie meer teruggaan na sy huis nie, en sy plek sal hom nie meer ken nie.
Jesaja 38:18 Want die doderyk sal U nie loof nie, die dood U nie prys nie; die wat in die kuil neerdaal, sal op u trou nie hoop nie.
Psalm 146:4 Sy gees gaan uit, hy keer terug na sy aarde toe; op daardie dag is dit met sy planne gedaan.Volgens die boek Openbaring, wie het die sleutels van die dood?
Let wel: Die Bybel is baie duidelik. Net Jesus het die sleutels van die dood. Ons moet na Sy Woord gaan vir antwoorde op ons vrae oor die dood.Hoe het God die mens gemaak in die begin?
Let wel: Twee dinge het by die skepping gebeur: (1) God het die mens uit stof van die aarde gevorm, en (2) Hy het die asem van die lewe in sy neus geblaas. So het die mens 'n lewende siel geword.Wat gebeur by die dood?
Let wel: Wat plaasvind by die dood is die teenoorgestelde van wat gebeur het tydens die skepping. Die liggaam keer terug na stof, en die gees, of asem, keer terug na God wat dit gegee het. Die Bybel leer duidelik dat die "gees" wat na God terugkeer eenvoudig die asem van die lewe is, wat God in die begin in die mens geblaas het (Jakobus 2:26; Job 27:3; Job 33:4). Psalm 104:29-30 sê: “U verberg u aangesig, hulle word verskrik; U neem hulle asem weg, hulle sterwe en keer terug tot hul stof. U stuur u Gees uit, hulle word geskape”Waarheen gaan die dooies wanneer hulle sterf?
Let wel: Die dooies, beide die regverdiges en onregverdiges, is in die grafte en sal Jesus se stem hoor wanneer Hy hulle roep uit die grafte vir hulle beloning of straf.Die Bybel leer vir ons dat Koning Dawid gered is. Is hy nou in die hemel?
Let wel: Nee! Die apostel Petrus het dit duidelik gestel dat Dawid dood en begrawe is - nie lewendig in die hemel nie. Hebreërs 11:32-40 maak dit duidelik dat al die gelowiges van die eeue nog nie beloon is nie, maar eerder dat almal saam beloon sal word (verse 39, 40).
Maar is dit dan nie waar dat die siel onsterflik is en dat slegs die liggaam sterf nie?
Let wel: Ons is siele, en siele sterf. Die mens is sterflik. Net God is onsterflik. Die gewilde idee wat leer dat die siel ewig en onsterflik is word nie in die Bybel gevind nie. Dit is opgemaak.
Wanneer sal die regverdiges onsterflikheid ontvang?
Let wel: Ja, die regverdiges sal onsterflikheid gegee word by die opstanding. Die boses sal dit nooit ontvang nie.
Hoe noem die Bybel herhaaldelik die dood?
Let wel: Die Bybel verwys dikwels na die dood as ‘n slaap. Die dood is 'n toestand van totale onbewustheid, waartydens 15 minute of 'n duisend jaar dieselfde voel. Die dooies "slaap" eenvoudig in hul grafte tot die opstanding, wanneer almal deur Jesus opgewek sal word. Die idee dat die geeste van die dooies hemelse engele is, of regverdige spookagtige entiteite is wat gekontak kan word, word nie in die Bybel gevind nie.
As towenaars, hekse, en ander dan nie die dooies kan kontak nie, met wie maak hulle dan kontak?
Let wel: Die hemel se engele word "dienende geeste" genoem (Hebreërs 1:14) wat mense op die aarde help. Die engele wat saam Satan uit die hemel gegooi is (Openbaring 12:7-9), is ook geeste – hulle is bose geeste wat mense deur wonderwerke mislei (Openbaring 16:13-14). Hulle gebruik "allerhande kragtige dade en tekens en wonders van die leuen" (2 Thessalonicense 2:9), en kan "selfs vuur uit die hemel laat neerdaal op die aarde voor die oë van die mense" (Openb. 13:13). Wanneer mense daarop aanspraak maak dat hulle kontak met geeste van die dooies het, is hulle werklik met Satan se gevalle engele in kontak (Jesaja 8:19-20).
Waarom wil Satan hê dat ons die leuen moet glo dat die "geeste van die dooies" lewend is?
Let wel: Satan se eerste leuen aan die mensdom was "Julle sal gewis nie sterwe nie." Genesis 3:4. Hy wil hê dat mense moet glo dat die geeste van die dooies lewend is, sodat sy engele kan verskyn as heiliges, profete, en regverdige leiers wat gesterf het en sodat hy kan voorkom as 'n engel van die lig (2 Kor. 11: 13-15). Dan kan hy miljoene mense mislei. Om gebruik te maak van hierdie bose geeste word "spiritisme" genoem. Dit is gebaseer op 'n twee-deel geloof: (1) die dooies is lewendig, en (2) hulle kan jou kontak, of jy kan hulle kontak. Dit is een van Satan se mees skadelikste idees. Tog glo byna die hele wêreld dit vandag. Die towerheks van Endor het nie met Samuel gesels nie. Sy het ‘n bose engel gesien wat soos Samuel voorgekom het.
Hoe effektief sal Satan se gebruik van bose geeste in die laaste dae wees?
Let wel: Deur Satan se wonderwerke (towerye) en sy bose engele, sal hy feitlik die hele wêreld mislei.
Hoe beskou God hierdie wonderwerke deur bose engele?
Let wel: In Moses se tyd het God beveel dat alle towenaars gedood moet word. Vandag dring Hy daarop aan dat toordery 'n werk van die vlees is, waarvoor mense vernietig sal word. Hy waarsku dat wanneer jy betrokke raak met towenaars dan het jy die geloof verlaat, en Hy sê vir ons dat alle towenaars die tweede dood sal sterf in die poel van vuur.
Watter heerlike krag bied God vir Sy mense?
Let wel: Jesus bied ons dieselfde krag om reg te lewe as die krag wat Hom uit die dood opgewek het. Fantasties! Hoe kan ons misluk met so 'n groot krag wat aan ons gegee is - en dit met geen koste vir ons nie? Jesus, omdat Hy ons liefhet, waarsku ons teen die krag en wonderwerke van die bose engele, en gee goddelike wonderwerke wat nodig is vir ons om voor te berei vir sy koninkryk (Filippense 1:6).