Die Heks van Endor

Job 14:21 Sy seuns kom tot eer, en hy _______ dit nie; en hulle is verneder, maar hy het dit nie van hulle bemerk nie

Prediker 9:5, 6, 10 Want die lewendes weet dat hulle moet sterwe, maar die dooies weet glad niks nie, en hulle het geen loon meer nie, want hulle nagedagtenis word vergeet. Hulle liefde sowel as hulle haat, ook hulle naywer, het lankal verdwyn, en hulle het vir ewig geen deel meer aan alles wat gebeur onder die son nie …want daar is geen werk of oorleg of kennis of wysheid in die doderyk waar jy heengaan nie.

Let wel: Nee! Die Bybel is baie duidelik. 'n Dooie mens doen niks en weet ook niks van wat op aarde gebeur nie.

Psalm 115:17 Die dode en almal wat na die stilte neerdaal, sal die HERE nie loof nie;
Psalm 6:6 Want in die dood word aan U nie gedink nie; wie sal U loof in die doderyk?
Job 7:10 Hy sal nie meer teruggaan na sy huis nie, en sy plek sal hom nie meer ken nie.
Jesaja 38:18 Want die doderyk sal U nie loof nie, die dood U nie prys nie; die wat in die kuil neerdaal, sal op u trou nie hoop nie.
Psalm 146:4 Sy gees gaan uit, hy keer terug na sy aarde toe; op daardie dag is dit met sy planne gedaan.

Ek is die ___________ en dood was; en kyk, Ek lewe vir ewig, Amen; en het die sleutels van die hel en van die dood

Let wel: Die Bybel is baie duidelik. Net Jesus het die sleutels van die dood. Ons moet na Sy Woord gaan vir antwoorde op ons vrae oor die dood.

En die HERE God het die mens geformeer uit die ______ van die aarde en die asem van die lewe in sy neus geblaas; en die mens het 'n lewende siel geword

Let wel: Twee dinge het by die skepping gebeur: (1) God het die mens uit stof van die aarde gevorm, en (2) Hy het die asem van die lewe in sy neus geblaas. So het die mens 'n lewende siel geword.

Dan sal die stof na die aarde terugkeer soos dit was, en die ______ sal terugkeer na God wat dit gegee het.

Let wel: Wat plaasvind by die dood is die teenoorgestelde van wat gebeur het tydens die skepping. Die liggaam keer terug na stof, en die gees, of asem, keer terug na God wat dit gegee het. Die Bybel leer duidelik dat die "gees" wat na God terugkeer eenvoudig die asem van die lewe is, wat God in die begin in die mens geblaas het (Jakobus 2:26; Job 27:3; Job 33:4). Psalm 104:29-30 sê: “U verberg u aangesig, hulle word verskrik; U neem hulle asem weg, hulle sterwe en keer terug tot hul stof. U stuur u Gees uit, hulle word geskape”

Maar hy sal in die ______ gebring word en in die graf bly

Johannes 5:28-29 Want daar kom ‘n uur wanneer almal wat in die grafte is, sy stem sal hoor en sal uitgaan, die wat goed gedoen het, tot die opstanding van die lewe, en die wat kwaad gedoen het, tot die opstanding van die veroordeling.

Let wel: Die dooies, beide die regverdiges en onregverdiges, is in die grafte en sal Jesus se stem hoor wanneer Hy hulle roep uit die grafte vir hulle beloning of straf.

Want Dawid het nie na die hemele ________ nie, maar hy sê self: Die Here het tot my Here gesê: Sit aan my regterhand

Handelinge 2:29 Broeders, ek kan vry-uit met julle spreek oor die aartsvader Dawid, dat hy gesterf het en ook begrawe is, en sy graf is by ons tot vandag toe.

Let wel: Nee! Die apostel Petrus het dit duidelik gestel dat Dawid dood en begrawe is - nie lewendig in die hemel nie. Hebreërs 11:32-40 maak dit duidelik dat al die gelowiges van die eeue nog nie beloon is nie, maar eerder dat almal saam beloon sal word (verse 39, 40).

Kyk, al die siele is myne; soos die siel van die vader, so is ook die siel van die seun myne; die siel wat sondig, sy moet ______

Job 4:17 Sou ‘n sterfling regverdig wees voor God?

1 Timotheus 6:15-16 die Koning van die konings en Here van die here, wat alleen onsterflikheid besit

Let wel: Ons is siele, en siele sterf. Die mens is sterflik. Net God is onsterflik. Die gewilde idee wat leer dat die siel ewig en onsterflik is word nie in die Bybel gevind nie. Dit is opgemaak.

1 KORINTIËRS 15:51-53 ...maar ons sal almal verander word, in ‘n oomblik, in ‘n oogwink, by die laaste _________; want die basuin sal weerklink, en die dode sal onverganklik opgewek word… en hierdie sterflike moet met onsterflikheid beklee word.

1 Thessalonicense 4:16 Want die Here self sal van die hemel neerdaal met ‘n geroep, met die stem van ‘n aartsengel en met geklank van die basuin van God; en die wat in Christus gesterf het, sal eerste opstaan.

Let wel: Ja, die regverdiges sal onsterflikheid gegee word by die opstanding. Die boses sal dit nooit ontvang nie.

Ons vriend Lasarus ______;… Lasarus is dood.

Mattheus 27:52 en die grafte het oopgegaan en baie liggame van die ontslape heiliges het opgestaan.

2 Samuel 7:12 As jou dae vol is en jy met jou vaders ontslaap het

1 Thessalonicense 4:14 Want as ons glo dat Jesus gesterwe en opgestaan het, dan sal God ook so die wat in Jesus ontslaap het, saam met Hom bring.

Let wel: Die Bybel verwys dikwels na die dood as ‘n slaap. Die dood is 'n toestand van totale onbewustheid, waartydens 15 minute of 'n duisend jaar dieselfde voel. Die dooies "slaap" eenvoudig in hul grafte tot die opstanding, wanneer almal deur Jesus opgewek sal word. Die idee dat die geeste van die dooies hemelse engele is, of regverdige spookagtige entiteite is wat gekontak kan word, word nie in die Bybel gevind nie.

Want hulle is geeste van duiwels wat ________ doen

Let wel: Die hemel se engele word "dienende geeste" genoem (Hebreërs 1:14) wat mense op die aarde help. Die engele wat saam Satan uit die hemel gegooi is (Openbaring 12:7-9), is ook geeste – hulle is bose geeste wat mense deur wonderwerke mislei (Openbaring 16:13-14). Hulle gebruik "allerhande kragtige dade en tekens en wonders van die leuen" (2 Thessalonicense 2:9), en kan "selfs vuur uit die hemel laat neerdaal op die aarde voor die oë van die mense" (Openb. 13:13). Wanneer mense daarop aanspraak maak dat hulle kontak met geeste van die dooies het, is hulle werklik met Satan se gevalle engele in kontak (Jesaja 8:19-20).

Want daar sal valse christusse en valse profete opstaan, en hulle sal groot tekens en wonders doen; in soverre dat hulle, as dit moontlik was, die einste uitverkorenes sal ______. Kyk, Ek het dit vir julle gesê

Let wel: Satan se eerste leuen aan die mensdom was "Julle sal gewis nie sterwe nie." Genesis 3:4. Hy wil hê dat mense moet glo dat die geeste van die dooies lewend is, sodat sy engele kan verskyn as heiliges, profete, en regverdige leiers wat gesterf het en sodat hy kan voorkom as 'n engel van die lig (2 Kor. 11: 13-15). Dan kan hy miljoene mense mislei. Om gebruik te maak van hierdie bose geeste word "spiritisme" genoem. Dit is gebaseer op 'n twee-deel geloof: (1) die dooies is lewendig, en (2) hulle kan jou kontak, of jy kan hulle kontak. Dit is een van Satan se mees skadelikste idees. Tog glo byna die hele wêreld dit vandag. Die towerheks van Endor het nie met Samuel gesels nie. Sy het ‘n bose engel gesien wat soos Samuel voorgekom het.

want deur jou towery is al die nasies ___________.

Openbaring 18:2 Geval, geval het die groot Babilon, en dit het geword ‘n woonplek van duiwels en ‘n versamelplek van allerhande onreine geeste

Openbaring 12:9 En die groot draak is neergewerp, die ou slang wat genoem word duiwel en Satan, wat die hele wêreld verlei

Let wel: Deur Satan se wonderwerke (towerye) en sy bose engele, sal hy feitlik die hele wêreld mislei.

En 'n man of vrou wat 'n gees van afgestormde aard het of 'n ________ is, moet sekerlik gedood word; met klippe moet hulle stenig; hulle bloed sal op hulle wees.

1 Timotheüs 4:1 Maar die Gees sê uitdruklik dat in die laaste tye sommige van die geloof afvallig sal word en verleidende geeste en leringe van duiwels sal aanhang

Efesiërs 5:11 en hou nie gemeenskap met die onvrugbare werke van die duisternis nie

Galasiërs 5:19-21 En die werke van die vlees is openbaar, naamlik owerspel, hoerery, onreinheid, ongebondenheid; afgodery, towery, vyandskap, twis, jaloersheid, toornigheid, naywer, tweedrag, partyskap; afguns, moord, dronkenskap, brassery en dergelike dinge, waarvan ek julle vooraf sê, soos ek al vroeër gesê het, dat die wat sulke dinge doen, die koninkryk van God nie sal beërwe nie.

Openbaring 21:8 towenaars en afgodedienaars en al die leuenaars hulle deel is in die poel wat brand met vuur en swawel: dit is die tweede dood.

Let wel: In Moses se tyd het God beveel dat alle towenaars gedood moet word. Vandag dring Hy daarop aan dat toordery 'n werk van die vlees is, waarvoor mense vernietig sal word. Hy waarsku dat wanneer jy betrokke raak met towenaars dan het jy die geloof verlaat, en Hy sê vir ons dat alle towenaars die tweede dood sal sterf in die poel van vuur.

sodat ek Hom kan ken en die krag van sy _______ en die gemeenskap van sy lyde, gelykvormig aan sy dood

Let wel: Jesus bied ons dieselfde krag om reg te lewe as die krag wat Hom uit die dood opgewek het. Fantasties! Hoe kan ons misluk met so 'n groot krag wat aan ons gegee is - en dit met geen koste vir ons nie? Jesus, omdat Hy ons liefhet, waarsku ons teen die krag en wonderwerke van die bose engele, en gee goddelike wonderwerke wat nodig is vir ons om voor te berei vir sy koninkryk (Filippense 1:6).