Terug na Jerusalem

Lukas 24:25 glo ______ wat die profete gespreek het!

2 Timoteus 3:16 Die hele Skrif is deur God ingegee

Let wel: Die volledige waarheid van God se woord is in die geskrifte van die Ou en Nuwe Testament. Die sleutels om die profesië van Openbaring te verstaan word meestal in die stories van die Ou Testament gevind. Byvoorbeeld, van die 404 verse in die boek Openbaring is 278 van hulle afgelei van ander stories en profesieë in die Ou Testament.

Lukas 24:27 En Hy het begin van Moses en al die profete af en vir hulle uitgelê in al die Skrifte die dinge wat op _______ betrekking het.

Johannes 5:39 Julle ondersoek die Skrifte, omdat julle meen dat julle daarin die ewige lewe het; en dit is dié wat van my getuig.

Openbaring 1:1 Die openbaring van Jesus Christus wat God Hom gegee het

Let wel: Die sentrale figuur in die hele Skrif en profesie is Jesus. Hierdie boeiende reeks dek talle temas van profesie, maar hou in gedagte dat die primêre fokus van Daniël en Openbaring Jesus Christus en Sy koninkryk is.

Lukas 24:35 hoe Hy aan hulle bekend geword het by die breking van die ________.

Let wel: In die Bybel is brood 'n simbool van die Woord van God. Jesus het gesê: "Daar is geskrywe: Die mens sal nie van brood alleen lewe nie, maar van elke woord wat deur die mond van God uitgaan." Matteus 4:4. As ons die Bybel lees, verstaan en volg, dan sal ons krag, vreugde, vrede, en die ewige lewe vind

Job 23:12 die woorde van sy mond het ek bewaar meer as my eie _________.

Psalms 119:105 U woord is ‘n lamp vir my voet en ‘n lig vir my pad.

Let wel: Die duiwel haat die Bybel omdat hy weet dat dit Christus se karakter openbaar en hy sal byna enigiets doen om te verhoed dat mense dit lees. Die duiwel weet dat die Bybel se profesieë sy planne om die mensdom te mislei ontbloot. So moet nie verbaas wees as Satan probeer om jou weg te lei van hierdie reeks lesse of probeer om jou besig te hou met ander dinge nie. God sal 'n weg vir diegene wat waarheid soek maak sodat hulle waarheid kan vind.

Lukas 11:9 En Ek sê vir julle: _______ , en vir julle sal gegee word;

Lukas 11:13 As julle dan wat sleg is, weet om goeie gawes aan julle kinders te gee, hoeveel te meer sal die hemelse Vader die Heilige Gees gee aan die wat Hom bid?

Johannes 7:17 As iemand gewillig is om Sy wil te doen, sal hy aangaande die leer weet of dit uit God is, en of Ek uit Myself spreek.

Let wel: Deel van die werk van die Heilige Gees is om ons te help om die waarheid van die Skrif te verstaan. Dit is hoekom ons altyd die Heilige Gees moet vra om ons te lei voordat ons God se Woord oopmaak. Ek kan seker wees dat die Heilige Gees my lei in my Bybelstudie wanneer ek (1) Hom vra om my te lei, en (2) bereid is om die waarheid wat Hy openbaar te aanvaar en te volg.

Jesaja 28:10 Want dit is ______ op gebod, gebod op gebod, reël op reël, reël op reël, hier ‘n bietjie, daar ‘n bietjie.

1 Korinthiërs 2:13 met dié wat die Heilige Gees leer, sodat ons geestelike dinge met geestelike vergelyk.

2 Petrus 1:20 terwyl julle veral dít moet weet, dat geen profesie van die Skrif ‘n saak van eie interpretasie is nie.

Let wel: Ons moet ons eie idees wegsit en die Bybel bestudeer deur alles te lees wat die Bybel leer oor ‘n gegewe onderwerp ("hier 'n bietjie, daar 'n bietjie ") en al die verse te vergelyk vir insette. Ons moet toelaat dat die Bybel vir homself praat. Wanneer dit gedoen word, kom die waarheid altyd duidelik deur. Dit is hoe Jesus die twee dissipels op pad na Émmaüs oortuig het dat Hy inderdaad die Messias was (Lukas 24:27).

2 Timoteus 3:15 en dat jy van kleins af die heilige Skrifte ken wat jou wys kan maak tot ________ deur die geloof in Christus Jesus

Let wel: Die Skrif help ons om God se groot plan van verlossing, die belangrikste inligting ooit aan sterflinge gegee, te verstaan.

Johannes 14:6 Jesus antwoord hom: Ek is die weg en die __________ en die lewe.

Johannes 17:17 u woord is die waarheid.

Let wel: Ons vind die waarheid in God se Woord - die Bybel. Waarheid is baie skaars in vandag se wêreld, en die mense van die aarde ly as gevolg van ‘n gebrek aan hierdie waarheid. Die waarheid oor alles wat regtig saak maak word in die Skrif gevind. Om die Bybel te bestudeer en te volg maak mense vry (Johannes 8:32) en bring hulle ware geluk en ‘n lewe van oorvloed (Johannes 15:11).

2 Timothy 2:15 Lê jou daarop toe om jou beproef voor God te stel as ‘n werker wat hom nie hoef te skaam nie, wat die woord van die ____________ reg sny.

2 Petrus 3:16 net soos in al die briewe… waarvan sommige swaar is om te verstaan, wat die ongeleerde en onvaste mense verdraai, net soos die ander Skrifte, tot hul eie verderf.

Let wel: “Wat die woord van die waarheid reg sny” beteken om dit korrek en eerlik te interpreteer. Daar is 'n groot gevaar om die Skrif te verdraai sodat dit sê wat ons wil hê dit moet sê. Wat ek sê oor die Bybel maak nie saak nie. Wat tel is wat die Skrif sê oor homself.

Handelinge 17:11 hulle het die woord met alle welwillendheid ontvang en _______ dag die Skrifte ondersoek of hierdie dinge so was.

Jesaja 8:20 Tot die wet en tot die getuienis! As hulle nie spreek volgens hierdie woord nie, is hulle ‘n volk wat geen dageraad het nie.

Let wel: Alle godsdienstige leer moet nagegaan word deur die Bybel. Indien enige leer nie duidelik is in die Skrif nie, dan is dit vals en ons moet dit los.

Lukas 24:33 Toe staan hulle in dieselfde uur op en _______ na Jerusalem terug en vind die elf en die wat saam met hulle bymekaar was

Let wel: Een van die eerste reaksies wat hierdie leerlinge gehad het na Jesus se verduideliking van die Skrif was 'n brandende begeerte om die goeie nuus met ander te deel. Ons hoop dit is ook jou begeerte om jou vriende te nooi om aan te sluit by hierdie dinamiese reeks Bybelstudies.