Lesson 23
Elisa kon sien dat die jong weduwee desperaat was. Sy het neergeval voor die profeet se voete en gesnik, "Die skuldeiser kom om my twee seuns te vat vir slawe!" Haar man het onverwags gesterf en haar met 'n groot skuldlas gelaat. In Bybelse tye, kon die skuldeiser eiendom en selfs kinders as betaling neem indien 'n familie nie die skuld kon terugbetaal nie (Job 24:9).
"Wat het jy in jou huis?" het Elisa haar gevra.
"Ek het niks in die huis behalwe 'n kruik olie nie," het sy gesê. Stuk vir stuk het sy al die meubels in haar huis aan die wrede skuldeiser oorhandig tot daar niks meer oor was nie, behalwe vir haar twee seuns en die klein oliekruik nie. Olyfolie was 'n basiese behoefte en was benut vir beligting, verhitting, kook, genesing en om te eet.
Elisa het die weduwee en haar seuns aangesê om soveel as moontlik leë kruike te leen by hulle bure. Hulle moes dit dan huis toe bring, die deur sluit, en die olie van die klein kannetjie in die leë houers intap. Hulle het gedoen soos Elisa beveel het, en toe gebeur 'n wonderwerk. Die olie in die klein kruik het bly vloei tot al die kruike in die huis gevul was!
"Wat sal ons nou doen?" het die jong moeder die profeet gevra.
"Verkoop die olie, delg jou skuld, en jy en jou seuns kan leef van die surplus," het hy gesê. Die vrou en haar seuns was bevry en gevul met blydskap en dankbaarheid as gevolg van die wonderwerk met die olie.
Die Here wil u ook bevry van die wrede skuldeiser genaamd satan. Hierdie wonderwerk sal gebeur wanneer Hy u beker tot oorlopends toe vul met Sy spesiale olie!
Wat word in die Bybel gesimboliseer deur 'n houer en olie?
Let wel: Die Bybel leer dat God die pottebakker is en ons is die klei (Jeremia 18:1-6; Romeine 9:20-21). Almal is geskape met 'n doel. Olie word dwarsdeur die Bybel gebruik as 'n simbool van God se Gees. Suiwer olyfolie was gebruik om die lamp helder aan die brand te hou in die Hebreeuse tempel as 'n illustrasie van hoe die Heilige Gees ons verstand verlig. Dit is God se begeerte om al Sy mense te vul met Sy Gees (Joël 2:28).Is die Heilige Gees 'n onpersoonlike krag, of is Hy God?
Let wel: Die apostel Petrus het verklaar dat om te lieg vir die Heilige Gees is om te lieg vir God. Verder het Jesus ons geleer om in die naam van die Vader, Seun en Heilige Gees te doop (Mattheus 28:19-20), wat aandui dat die Heilige Gees die derde persoon van die Godheid is, en word geplaas in volle gelykheid met die Vader en die Seun. Die Bybel verklaar ook dat ons die Gees kan bedroef, wat beteken dat Hy emosies het. Hy is nie bloot 'n onpersoonlike krag nie. In die Skrif word die Heilige Gees verwys as Trooster, Heilige Gees, Gees van waarheid, Gees van die Here, die sewe Geeste van God en eenvoudig die Gees. Al hierdie titels dui persoonlikheid aan.Wat is die primêre werk van die Heilige Gees?
Let wel: Jesus het belowe om altyd by ons te wees, en dit is deur die persoon van die Heilige Gees dat Hy by ons en in ons is (Johannes 14:17).Wat is die een sonde wat nie vergewe kan word nie?
Let wel: Godslastering teen die Heilige Gees is nie 'n enkele oortreding nie, maar 'n progressiewe weerstand teen die waarheid wat tot 'n finale verwerping van God se wil lei (Hebreërs 10:26-27). Die gewete word uitgewis wanneer 'n persoon herhaaldelik teen die Heilige Gees besluit en versuim om na Sy indrukke te luister totdat die persoon nie meer Sy stem hoor nie. 'n Persoon wat dus 'n verskriklike vrees het dat hy die "onvergeeflike sonde" gepleeg het, het dan heel waarskynlik nie.Wat is sommige van die gawes van die Gees wat 'n mens kan ontvang?
Let wel: Wanneer die Heilige Gees in ons lewens kom, bring Hy verskillende gawes. Almal ontvang nie dieselfde gawes nie (1 Korinthiërs 12:29-31). Die Skrif beklemtoon dikwels die belangrikheid om met die Gees gevul te word. Jesus het in Johannes 3:5 geleer dat "as iemand nie gebore word uit water en Gees nie, kan hy in die koninkryk van God nie ingaan nie." Ongelukkig word die Heilige Gees en Sy werk dikwels misverstaan. Sommige mense word geleer dat die Heilige Gees 'n onpersoonlike krag is; ander ontken Sy invloed in mense se daaglikse sake; en ander word geleer dat elkeen wat met die Heilige Gees gevul is, in tale moet praat.Watter geestelike gawe het 'n kontroversiële onderwerp in die Korintiese kerk geword?
Let wel: Soos in die dae van die vroeë Christelike kerk, het die gawe van tale weer 'n onderwerp van verwarring en omstredenheid geword. Daarom het ons 'n groot gedeelte van hierdie les toegewy om te verduidelik wat die Bybel oor hierdie geestelike gawe leer.Hoe het Jesus belowe om Sy dissipels te help om die evangelie aan die hele wêreld te verkondig?
Let wel: In die Bybel beteken die woord "tong" eenvoudig "taal." Jesus se dissipels was op en wakker manne, maar die meeste was onopgevoed. Om hulle te help om die evangelie na die wêreld te neem, het Jesus belowe om hulle 'n bonatuurlike gawe te gee om vreemde tale te praat wat hulle nie voorheen bestudeer of geken het nie.Wat het gebeur toe die dissipels die uitstorting van die Heilige Gees ontvang het?
Let wel: Pinkster was 'n Joodse heilige dag wat 50 dae na Pasga gevier is. Gewyde Jode van regoor die wêreld het na Jerusalem gekom om te aanbid. Deur Sy Gees het God in hierdie tyd die gawe van tale gegee om die dissipels te bemagtig om die evangelie te deel met hierdie mense in hul moedertaal. Diegene wat die boodskap aangeneem het, het die goeie nuus teruggeneem na hul onderskeie lande.Wat het hierdie buitelandse Jode beleef toe die Heilige Gees uitgestort was?
Let wel: Daar word soms geleer dat die gawe van tale 'n "hemelse taal" is wat slegs deur God of deur diegene met die gawe van vertolking verstaan kan word. Die Bybel toon duidelik dat beide die dissipels en diegene wat geluister het, het verstaan wat gepreek was - "die groot dade van God." Daar is net drie voorbeelde van die praat in tale wat in die Skrif gegee word. Ons het gekyk na die eerste een. Kom ons kyk nou na die laaste twee voorbeelde vir 'n duideliker prentjie oor hierdie gawe.
Wat het gebeur toe Petrus vir Cornelius en sy huishouding gepreek het?
Let wel: Cornelius was van die Italiaanse leërafdeling (Handelinge 10:1), terwyl Petrus 'n Jood was en Aramees gepraat het. Geskiedenis leer ons ook dat die diensknegte in 'n Romeinse huis van enige plek in die wêreld kon wees. Daarom was daar taal-probleme by hierdie vergadering.
Maar toe die Heilige Gees op Cornelius en die lede van sy huishouding geval het, kon die manne wat Petrus vergesel het verstaan wat hulle praat in ‘n ander taal. Hulle het gehoor hoe hulle God groot maak in hierdie ander tale. Toe hy later hierdie ondervinding met kerkleiers in Jerusalem gedeel het, het Petrus gesê: “toe ek begin spreek, het die Heilige Gees op hulle geval soos ook op ons in die begin.” Handelinge 11:15. Cornelius en sy huishouding het dieselfde gawe van tale ontvang wat die dissipels op Pinksterdag ontvang het. Hulle het tale gepraat wat verstaan kan word.
Wat het gebeur toe Paulus vir 12 Efesiese dissipels gepreek het?
Let wel: Paulus, wat die meeste geleer was en ook die wydste gereis het van die apostels, het baie tale gepraat (1 Korinthiërs 14:18). Toe die Heilige Gees oor hierdie 12 manne van Efese gekom het, kon Paulus en Lukas hulle verstaan in tale wat hulle nooit voorheen geken het nie.
Wat sê die Bybel oor die praat van 'n taal wat nie verstaan kan word nie?
Let wel: Paulus verklaar herhaaldelik dat die doel van 'n taal is om die waarheid te kommunikeer of te leer. 'n Griekse woord vir "onbekende" word nie in enige oorspronklike Bybelmanuskripte gevind nie, maar is deur vertalers verskaf om aan te dui dat die taal vreemd was vir die meerderheid mense wat teenwoordig was. Die kerk in Korinthiërs was 'n pot van baie verskillende nasionaliteite, en soms het die dienste verwarrend geword as lede gebid, getuig of gespreek het in tale wat onbekend is vir die ander mense wat teenwoordig was. Dit is hoekom Paulus hulle beveel het om stil te bly, as hulle praat in 'n taal wat onbekend was vir die meerderheid, tensy iemand daar was om te interpreteer (1 Korinthiërs 14:28). Die les vir ons is dat ons nie in 'n taal moet praat of bid wat ander teenwoordig nie kan verstaan nie.
Wat was een van die belangrikste eienskappe van antieke Babilon?
Let wel: Die toring van Babel is die plek waar die tale van die wêreld die eerste keer bestaan het. Die Hebreeuse woord vir albei Babel en Babilon is "babel", wat "verwarring" beteken. In Openbaring 18 roep God Sy volk uit geestelike Babilon uit. Een van die kenmerke van geestelike Babilon is 'n verwarring van tale.
Vul die Gees diegene wat doelbewus God se gebooie oortree?
Let wel: Die geweldige krag van die Heilige Gees kan nie in diegene woon wat weier om God se gebooie te gehoorsaam nie.
Paulus het beklemtoon dat ons watter geestelike gawe moet begeer?
Let wel: Ten spyte van die feit dat Paulus geleer het dat die gawe van profesie belangriker is as die gawe van tale, is sommige nou besig om te leer dat elke persoon wat gevul is met die Heilige Gees in tale moet praat. Uit meer as 25 Bybel voorbeelde waar God Sy mense met die Gees vul, hou die gawe van tale net drie keer daarmee verband. Uit die 14 Nuwe-Testamentiese boeke wat deur Paulus geskryf is, noem hy tale in slegs 1 – dit is 1 Korinthiërs. Uit die 27 boeke in die Nuwe Testament maak slegs drie enige verwysing hoegenaamd na die praat van tale.
Wat is die hoofrede hoekom God mense vul met Sy Gees?
Let wel: God vul ons met Sy Gees om ons krag te gee om te getuig vir Hom!
Is dit moontlik om te sê of 'n persoon met die Heilige Gees gevul is of nie?
Let wel: Ons weet dat iemand die doop van die Heilige Gees ontvang het, nie deur die gawes van die Gees nie, maar deur die vrug van die Gees, wat liefde, blydskap, vrede, lankmoedigheid, vriendelikheid, goedheid, getrouheid, sagmoedigheid, en selfbeheersing is (Galasiërs 5:22-23).
Hoe kan ek die doop van die Heilige Gees ontvang?
Let wel: Net soos Jesus die Gees sonder maat gehad het, kan ons God vra om ons te vul, maar ons moet eers gewillig wees om onsself leeg te maak deur ons harte oor te gee.