Lesson 13
Koning Nebukadnesar het die teken gegee, en toe die musiek van 'n duisend instrumente begin, toe val die gordyn, en onthul 'n verstommende, 90-voet beeld van goud wat glinster in die sonlig. Toe, volgens die koning se bevel, val al die amptenare wie op die plein van Dura byeengekom het, op die grond in aanbidding. Almal het gebuig behalwe drie jong Hebreeuse mans, wie dienaars van die Allerhoogste was.
Nebukadnesar was gevul met trots en ingenoomheid --totdat hy berig ontvang van Sadrag, Mesag en Abednégo wat geweier het om sy beeld te aanbid. Verstom dat enige iemand ooit sou durf om hom nie te gehoorsaam nie, het Nebukadnesar aangeneem dat hierdie jong amptenare hom dalk nie verstaan het nie. Dus het hy hulle nog een kans gegun om neer te buig -- maar weer het hulle geweier! Nou was die koning woedend. Hy het sy soldate beveel om die vuuroond sewe maal warmer as normaal te verhit. Terwyl die brandstof op die vuur gestapel word, word die drie met toue gebind. Die hitte was so geweldig dat die soldate, wat hulle in die vuur werp, sterf.
Die koning tuur na binne die oond, sy mond val oop van verbasing. Met stamerende stem vra hy, "het ons nie drie mans gebind in die vuur gewerp nie?" Sy raadgewers beaam dit. Toe sê die koning, "Kyk, ek sien vier manne los binne-in die vuur wandel sonder dat daar ‘n letsel aan hulle is; en die voorkoms van die vierde lyk soos dié van ‘n godeseun." Daniël 3:25.
God het daardie dappere jong mans gered vanuit die brandende vuuroond, want hulle het gestaan vir Sy waarheid. In die laaste dae, sal God se mense 'n soortgelyke beproewing ervaar.
Wat het ons verhaal in Daniël 3 te doen met Openbaring?
Let wel: In die laaste dae sal God se mense weer gedwing word om te aanbid teen hulle gewete of hulle sal gedood word. Hulle sal moet kies tussen gehoorsaamheid aan die wet van God of die wet van die mens.Wat is die drie engele se boodskappe van Openbaring 14?
Let wel: Die Bybel vertel ons in Openbaring 14:6-14 dat in die laaste dae sal hierdie fantastiese driepunt boodskap van hoop en waarskuwing na die hele wêreld gaan om mense voor te berei vir Jesus se koms. Een van hierdie boodskappe waarsku teen die aanbidding van die dier en teen sy merk. In hierdie les sal ons die dier identifiseer. In Les 14 sal ons die merk identifiseer. Die ewige lewe kan op die spel wees. Bid ernstig vir God se leiding en ook begrip terwyl u studeer.Wat word deur 'n dier verteenwoordig in Bybelprofesieë?
Let wel: In Bybel-profesie verteenwoordig 'n dier 'n regering, koninkryk of politieke mag. God gebruik diere om regerings te simboliseer, net soos ons vandag doen - 'n arend (die Verenigde State van Amerika), 'n beer (Rusland), ens. In die Bybel is "dier" nie 'n oneerbiedige woord nie. Dit stel nie diere se eienskappe voor nie. Die dier wat die merk het, word uitgebeeld in Openbaring 13:1-10, 15-18. Neem asseblief tyd om hierdie verse te lees voordat u verder gaan na Vraag 4.Hoe identifiseer die Bybel die dier?
Let wel: In Openbaring 13:1-10, 15-18, gee God 10 leidrade om ons te help om die dier te identifiseer. Hy gee ons 'n lang lys van eienskappe sodat ons absoluut seker kan wees van die dier se identiteit.
Punt 1 – Kom op uit die see (verse 1)
Punt 2 – Kry sy krag, troon en mag van die draak (vers 2)
Punt 3 – Dit word ‘n wêreldwye mag (verse 3, 7)
Punt 4 – Dit is skuldig van godslastering (verse 1, 5, 6)
Punt 5 – Regeer vir 42 profetiese maande (vers 5)
Punt 6 – Ontvang ‘n dodelike wond wat genees word (vers 3)
Punt 7 – Dit is ‘n godsdienstige mag wat aanbidding ontvang (verse 4, 8)
Punt 8 – Voer oorlog teen God se mense (vers 7)
Punt 9 – Dit het die geheimsinnige nommer van 666 (vers 18)
Punt 10 – Dit word gelei deur ‘n man aan die hoof (vers 18)
Slegs een krag pas al 10 van hierdie identifiserende punte - die pousdom. Maar om seker te wees, sal ons die punte deeglik oorweeg, een op 'n tyd, beginnende met Vraag 5.Hierdie dier kom uit die see. Wat simboliseer die see of water?
Let wel: In profesie verteenwoordig water groot menigtes mense, of swaar bevolkte gebiede. Profesie het voorspel dat die dier sou ontstaan uit te midde van die gevestigde nasies van die destydse wêreld. Die pousdom het in Wes-Europa ontstaan, en pas dus by punt 1. Maar wat van die ander nege identifiserende punte?Wie gee die dier sy krag en posisie?
Let wel: Die dier - wat 'n merk het wat ons moet vermy - het sy mag, gesag en hoofstad van die draak verkry. Volgens Openbaring 12:3-5 is die draak die krag wat probeer het om kindjie Jesus te vernietig ten tyde van sy geboorte. Dit was Satan wat Herodes, 'n koning vir die heidense Romeinse Ryk, geïnspireer het om al die manlike babas in Bethlehem dood te maak (Mattheus 2:13, 16). Vir wie het die heidense Romeinse Ryk haar gesag en hoofstad gegee? Geskiedenis is duidelik dat die heidense Romeinse Ryk haar mag en hoofstad oorgelewer het aan die kerk van Rome. Die volgende historiese aanhaling is tipies: "Die Romeinse kerk ... het hom in die plek van die Romeinse Wêreld-Ryk gedruk, waarvan dit eintlik die voortsetting is. ... Die pous, wat homself 'Koning' en 'Pontifex Maximus' noem, is Keiser se opvolger." Punt 2 pas ook by die pousdom.
Hoe wyd is die invloed van die dier?
Let wel: Niemand sou bevraagteken dat die pousdom in die Middeleeue inderdaad 'n wêreldwye mag was nie. Trouens, die woord "Katoliek" beteken "universeel". Ons kan sien dat punt 3 ook by die pousdom pas.
Wat kom uit die dier se mond?
Let wel: Die Bybel definieer godslastering as 'n mens wat beweer dat hy sondes kan vergewe (Lukas 5:21) of beweer dat hy God is (Johannes 10:33). Die pousdom beweer duidelik dat dit die mag het om sondes te vergewe. Let op die volgende gedeelte uit 'n Katolieke kategismus: "Vergewe die priester werklik die sondes, of verklaar hy net dat hulle vergewe word? Die priester vergewe werklik en waarlik die sondes as gevolg van die krag wat deur Christus aan hom gegee is." Die pousdom beweer ook dat die pous gelyk is aan God. Pous Leo XIII het gesê: "Ons [die pouse] hou die plek van God, die Almagtige, op hierdie aarde." Hier is nog 'n verrassende stelling oor die pous: "Jy is 'n ander God op aarde." Punt 4 pas ook by die pousdom.
Hoe lank sal hierdie eerste dier heers?
Let wel: Onthou, in profesie is een profetiese dag gelyk aan een letterlike jaar (Esegiël 4:6). Hierdie tydperk word herhaaldelik in profesie verwys na drie en 'n half jaar, 42 maande of 1260 dae. Op grond van die 30-dag kalender wat deur die Jode gebruik word, is al drie tydperke gelyk aan dieselfde 1260 profetiese dae, of 1260 letterlike jare. Die wêreldwye mag van pouslike Rome het amptelik geword in A.D. 538, toe keiser Justinianus se bevel om die pousdom die hoogste en belangrikste te maak, nie meer gekant was nie. Die pousdom het ‘n dodelike wond ontvang in 1798 toe die pous gevang is deur Napoleon se generaal, Alexander Berthier. Jy sal op let dat die tydperk tussen A.D. 538 en 1798 presies 1260 jaar is. Punt 5 pas ook by die pousdom.
Wat het ná die 42 maande met die dier gebeur?
Let wel: Soos reeds genoem, het die pousdom in 1798 'n dodelike wond gekry toe General Berthier die pous gevange geneem het na Frankryk, waar hy in ballingskap gesterf het. 1 Die helfte van Europa het gedink dat hierdie gebeurtenis die einde van die pousdom aangedui het, maar God het gesê dat die wond genees sou word en dat die pousdom se krag en invloed tot die hele wêreld herstel sou word totdat almal weer haar leiding sou volg. Malachi Martin, deel van die Vatikaanse binnekring, onthul die volgende in sy boek The Keys of This Blood: "Die pous is die bekendste persoon van die 20ste eeu (p. 123), het persoonlike verhoudings gevorm met die leiers van 91 lande (p. 490) en is nou gereed vir wêreldwye heerskappy" (p. 143). 2 Selfs 'n onkundige persoon sou erken dat die pousdom vandag, op baie maniere, die invloedrykste krag op aarde is. En met elke reis wat die pous maak groeie sy krag en invloed. Miljoene wêreldwyd kyk na die pousdom as die enigste hoop vir eenheid in die wêreld, vrede en menswaardigheid - presies soos God voorspel het. Die pousdom pas by punt 6.
1Joseph Rickaby, "The Modern Papacy," Lectures on the History of Religion, (London: Catholic Truth Society, 1910), Vol. 3, Lecture 24, p. 1.
2Malachi Martin, The Keys of This Blood (New York: Simon & Schuster, 1990).
Is die dier 'n godsdienstige mag?
Let wel: Dit is duidelik dat hierdie entiteit betrokke sou wees by godsdienstige sake. Die woord "aanbid" word vier keer gebruik in Openbaring 13 met verwysing na hierdie mag. Sekerlik betwyfel niemand dat die pousdom by punt 7 pas nie.
Wat doen die dier aan die heiliges?
Let wel: Dit is algemeen bekend dat die pousdom Christene vervolg en gedood het, veral gedurende die Middeleeue, die piektydperk van sy mag. Baie historici sê dat meer as 50 miljoen mense gedurende hierdie tydperk van groot verdrukking vir hul geloof gesterf het. Klaarblyklik het die kerk gevoel dit vir God 'n guns gedoen deur "kettery" te vernietig. Die pous het gevra dat die kerk vergewe moet word vir haar gruweldade, maar die feit bly staan dat die kerk vervolg en vernietig het. Die pousdom pas ook by punt 8.
Wat is die geheimsinnige getal wat die dier identifiseer?
Let wel: In Openbaring 13:18 sê God om die nommer van die dier se naam te bereken en dat dit die nommer van 'n man is. Wanneer ons dink aan die pousdom, dan dink ons natuurlik aan die pous as die hoof. Wat is sy naam? Een van die pous se amptelike titels is "Vicar of the Son of God,” wat “Vicarious Filii Dei” in Latyn is (die amptelike taal van die kerk). Koerantartikels, wanneer hulle verwys na die pous as "Vicar of Christ", sal dikwels die woorde in aanhalingstekens omsluit om te wys dat dit 'n vertaling van sy titel of naam is. Die boek Openbaring sê dat die Romeinse getalwaardes van die letters van sy naam gelyk sal wees aan 666. Kom ons kyk of punt 9 by die pousdom pas:
VICARIUS FILII DEI |
V = 5
I = 1
C = 100
A = 0
R = 0
I = 1
U = 5
S = 0
|
|
F = 0
I = 1
L = 50
I = 1
I = 1
|
|
D = 500
E = 0
I = 1
|
======= |
|
======= |
|
======= |
112 |
|
53 |
|
501 |
TOTAL 112 + 53 + 501 = 666 |
Daar moet geen twyfel oorbly nie. Ons het bewys dat al 10 eienskappe wat in Openbaring 13:1-8, 15-18 gegee word, by die pousdom pas. Hierdie krag het ook 'n spesifieke merk wat ons nie wil durf om te ontvang nie.
Onthou asseblief dat daar baie godvresende, liefdevolle Rooms-Katolieke Christene is wat God as Sy kinders beskou. Daar was ook baie genadevolle en brawe pouse wat God liefgehad het. Hierdie les is nie 'n aanval op ons Katolieke vriende nie. Dit is 'n aanval op die duiwel wat die kerke weglok van die waarheid van die Skrif. God het egter self vir ons gesê dat hierdie instelling 'n merk het wat ons nie moet ontvang nie. Opregte Protestante, Katolieke, Jode, en nie-Christene sal almal gretig wees om te ontdek wat hierdie merk is sodat hulle dit kan vermy. Kom ons dank God dat Hy in sy Woord Satan se lelike planne blootgestel het om ons almal te vernietig.
In ons volgende les sal ons duidelik die "merk" van die dier identifiseer. As jy die merk van die dier ontvang, sal jy verlore wees. Baie sal ontdek dat om die merk te vermy 'n geweldige stryd sal behels. Maar God kan ons die geloof van Sadrag, Mesag en Abednego gee, wat bereid was om te sterf om God te eer.