Lesson 12Hih ih leitung akibawl cil-in na khempeuh avekpi iin hoihkim hi. Mihing, ganhing, singkung lopa te avekpi-in kilem dimdiam uh hi. Ahih hangin mawhna hong lut khitciangin, na khempeuh kikhel ma-ang hi. Mihingte in ganhingte sa hong ne uh hi. Ganhingte zong amau leh amau hong kine ta uh hi. Lingkung leh thanglingkungte munci tengah hong po ta hi. Mawhna hangin hih leitung zong hong kisamsia hi. Pasian in Cain tungah gena, “Lo na khawh ciangin nang adingin na hong piangsak nawn lo ding hi.” Piancil 4:12. Tua manin Topa in Isreal mite kiangah na leitangte uh kum sagih sialin tawlngasak un ci hi (Paikhiatna 23:10, 11).
Tua hi leh leitang hong thaksuak kik iin tua atawlngak sung a piang ansangte pen mizawngte ading hi ding hi. Ahih hangin Pasian mite pawlkhat in hi sawlna pen awlmawh loin mang nuamlo uh hi. Tua ciangin adahhuai mahmah thukhenna hong tung hi. Babylon kumpipa Nebuchadnezzar hong pai-in amah alangdo khempeuh hong that hi. Tua lo teng khempeuh kham khuapi Babylon ah ciahpih hi. “Sabbath ni lungdamna ni ci-in hong tan kik masiah uh Isreal gam pen dai-in kisia a, aleitang in Sabbath tang hithiat hi.” 2 Khangtangthu 36:21. Kum 70 hong cin khitciangin, anungta lai tengin Jerusalem lam kik dingin Canaan gamah hong ciah kik uh hi.
Tu-in Zeisu khaicii tuh hong gupkhiat lungdamna thu kitangko khit zawh kum 6000 sawtta hi. Laisiangtho in “Pasian adingin ni khat pen kum khat, kum khat pen ni khat tawh kibang hi ci hi.” 2 Peter 3:8. Hih leitungah anla dingin Kumpipa Zeisu in sawt nawn hetlo-in hong pai kik ding hi. Pawlkhat te ahih leh hong paina vangtang in kaplum dinga, acianlai teng ahih leh Ama kham kumpi gamah hong ciah pih ding hi. Tua khitciangin hih agim mahmah alui leitung in kum 1000 sabbath tangin tawlnga hithiat ding hi!
1. Kum 1000 kipat nadingin bang piang ding hiam?
Thesalonika Masa 4:16. Pasian' thupiakna awging lianpi, vantung mi mangpa' thugenna, leh Pasian' peengkul hong ging ding a, vantung panin Topa mahmah hong paisuk ding hi.
Maangmuhna 20:4, 5. Tua ciangin tokhom tungah a tu mi pawlkhat ka mu a, tua mite tungah __________ ding aana a kipia ahi hi. Jesuh thu a genna leh Pasian thu hangin a kithat mite' kha zong ka mu hi. Tua mite in ganhing ahi a, a lim ahi zongin bialo uh hi; a taltang uhah ahi a, a khut tung uhah ahi zongin ganhing ciamtehna neilo uh hi. Amaute hong hingkik uh a, Khrih tawh kum tul khat sung ukna aana a neikhawm uh hi. Kum tul khat a cin'mateng a si dangte hingkiklo uh hi. Hih pen sihna panin thawhkikna a masa ahi hi.
Dawnna: ____________________
Phawk Ding:
Mangmuhna 20 sunga kum tulkhat pen millennium kici hi. “Millennium” cih in Latin pan kila kammal nih kigawm hi a, “milli,”akhiatna in “tulkhat”cih nahi a, “annum”akhiatna in “Kum” cih na ahi hi. Zeisu nih veina hong paina leh, misiangthote thawhkikna te in Kum tul kipatna lim hipah hi. Khang tawntunga misiangthote khempeuh(“siangtho leh thupha” ngahte aw, ci-a agen aneu 6) ah tua teng khempeuh thawhkikna masa ah hong thoto ding uh hi.
2. Thawhkikna masa ah apiang ding adang bang omlai hiam?
Korin Masa 15:51, 52. Kuamah kim in a theihloh thusim khat na ngai un. Eite khempeuh a si khin ding ihi kei a, thakhatthu-in a kikheelvat ding ihi hi. __________ nunung hong gin' ciangin mitphiat kikal sungin i kikheelpak ding hi. Bang hang hiam cih leh __________ hong gin' ciangin misite a sithei nawnlo dingin hong tho ding a, i vekpi-in i kikheel ding hi.
Filippi 3:21. Amah in na khempeuh ama khutnuai-ah koihna-in a zat vangliatna mah tawh a ginalo i leitung pumpi pen ama-a' mah bangin a minthang pumpi tawh hong kheelsak ding hi.
Thesalonika Nihna 2:8. A khamcippa a kilakkhiat khit ciangin A Gilopa hong kilang ding a, Topa Jesuh hong pai ciangin tua A Gilopa mutlum ding a, vanglian minthangin hong kilatna tawh a maimangsak ding hi.
Maangmuhna 16:18, 20, 21. Tua ciangin khua hong phia-in, a ging lianpi hong om a, van hong gingin nakpi takin zin hong ling hi. Zinling khempeuh lakah a husia pen ahih manin mihing a pian'zawh hihbang zinling omngei nailo hi. ... 20Tuikulh khempeuh mangthang a, mual khempeuh maimang hi. 21Gial golpipi, khat ciangin tawi sawmthum val a gik, van panin mite tungah hong kia hi. Tua gimna nasialua ahih manin tua gialte hangin mite in Pasian a samsia uh hi.
Maangmuhna 20:1, 2. Tua ciangin vantung panin vantung mi khat hong paisukin, kuahawm thukpi hon'na tawhtang leh sikkhau khainiang golpi khat a tawi ka mu hi. Amah in tanglai gulpi, Dawimangpa ahih kei leh Satan zong a kicipa manin kum tul khat sung a hencip hi.
Dawnna: ____________________
Phawk Ding:
Laimai 6 na ah kum 1000 kisuaihna enleng kum 1000 koici kipat hiam cih kithei ding hi.3. Thawhkikna nihna ah kuate tho dinga bang hun ciangin hi ding hiam?
Johan 5:28, 29. Hih thu ka hong gen ciangin lamdangsa kei un. Han sungah a om misi khempeuh in ama aw za-in, han sung panin a hong paikhiat uh hun hong tung ding hi. A gamtat hoih mite pen a nungta tawntung dingin hong thokik ding uh a, a gamtat siate ahih leh mawhsak thukhenna a thuak dingin hong thokik ding uh hi.
Maangmuhna 20:5. Kum tul khat a cin'mateng a si dangte __________ uh hi. Hih pen sihna panin thawhkikna a masa ahi hi.
Dawnna: ____________________
Phawk Ding:
Kum 1000 hong bei ciangin migilo teng khempeuh thawhkikna nihna ah hong tho ding uh hi.4. Kum 1000 khat sung leitung bang suak ding hiam?
Isaiah 24:1. En un, Topa in leitung hawmsuak sakin gamkhing suaksak ding a, amah in lei maitang __________ gawpin, a tunga a teng mite thehthang gawp ding hi.
Jeremiah 4:23-26. Leitung ka et leh limlemel neilo a, vantungah zong khuavak omlo hi. Mualte ka et leh kiling damdam uh a, mual neute kileh kawikawi uh hi. Ka khuadak leh mi khat beek ka mu kei a, vana vasate zong a leengmang khin uh hi. Ka et leh, logam leihoih teng sehnel gam suakkhin a, Topa' mai, a hehna lianpi mai-ah, khuapi khempeuh kisia khin uh hi.
Jeremiah 25:33. “Tua ni-a Topa' thahlup mite' luanghawmte leimong khat panin mong khat dongah a kithehthang ding uh hi. Amaute kuamah in a kah kei ding uh a, kikaikhawm loin, kiphumlo ding uh ahih manin leilakah ek nusiatin a kinusia ding uh hi.
Dawnna: ____________________
Phawk Ding:
Zeisu nih veina hong paina hangin zinling leh gialpite in hih leitung susia ma-ang iin amialpi iin kinusia ding hi. Leitung dim iin misite kithehthang ding uh hi, amaute kuamah in kah lo ding hi, ahang in mihing khat beek om nawnlo hi. Misiangtho teng khempeuh vantungah om uha, migilo khempeuh si uh hi.( Abehlapna “Mong neilo Kawhawm” cihna ah en in)
5. Kum 1000 sung misiangthote koi ah om dinga, bang sem ding uh hiam?
Johan 14:3. Kei va pai-in note' omna ding mun ka va bawlkholh khit ciangin keima omna munah note na hong om theihna dingun note a hong la dingin ka hong paikik ding hi.
Maangmuhna 20:4. Tua ciangin tokhom tungah a tu mi pawlkhat ka mu a, tua mite tungah thukhenna ding aana a kipia ahi hi. Jesuh thu a genna leh Pasian thu hangin a kithat mite' kha zong ka mu hi. Tua mite in ganhing ahi a, a lim ahi __________ bialo uh hi; a taltang uhah ahi a, a khut tung uhah ahi __________ ganhing ciamtehna neilo uh hi. Amaute hong hingkik uh a, Khrih tawh kum tul khat sung ukna aana a neikhawm uh hi.
Korin Masa 6:2, 3. Pasian' mite in leitung mite' thu a khensakzaw ding ahihlam theilo na hi uh hiam? Note pen leitung mite' thu a khensak ding na hih uh ciangin tua bang thu neute khen theilo lawmlawm na hi uh hiam? Eite pen vantung mite' thu nangawn a khensak ding ihih lamtak theilo na hi uh hiam? Tua ahih manin hih leitunga no' thu neuneute leltak na khentheih zawk kan ding uh ahi hi.
Dawnna: ____________________
Phawk Ding:
Kum 1000 khat sung misiangthote in vantungah om ding uha, thukhenna sem ding uh hi. Kua in gupna ngah dinga kua in ngah lo ding cih thukhen ding hilo hi, ahangin Pasian in akhensa ahi hi. Amaute in Pasian khensatna sa akipsak ding uh ahi hi. "Na thukhenna kician mahmah hi" Mangmuhna 15:4. Midikte thaman maan tak-a apiak mah bangin mawhneite thaman daan zong ahi banglian mahin pia ding hi (Mangmuhna 22:11,12). Hih thukhenna pen midikte phattuamna ding hi. Gentehna iin, nang vantung gam tung dingin na muan na Pastor pa in vantung hong tung kei henla, minsiatna leh gamtat hoih lohna nei hi kici leh, na lungkim nadingin hong kihilh kul ding hi. Vantungmite in aciaptehna laibute uh hong lem iin hong lak ding uh hi. Hih thukhenna aman khitciangin, mite khempeuh in Pasian pen itna leh hehpihna dim athumaan Pasian ahihna tel ciat ding uh hi. Tua ciangin amaute khempeuh in athukhenna in siangtho in thumaan hi ci-in awng ding uh hi.” Mangmuhna 19:2. ( Abehlapna thulu "kum 1000" acihna ah en in)
6. Kum 1000 bei ciangin bang piang ding hiam?
Zekhariah 14:1, 4, 5, 9. Topa in na hong sep hun hong tung ding hi. Jerusalem khuapi kiluh gawpin, note' muh mahmahin a na lakte uh hawm ding uh hi. ... Tua ciangin Jerusalem __________ lamah a om Oliv Mual tungah Topa a ding ding hi. Tua ciangin __________ lam pan nitumna lamah Oliv Mual kitamin phel nih suak ding a, a kikalah kuampi om ding hi. A mual kimkhat leilu lamah kikhinin, kimkhat leitaw lamah kikhin ding hi. 5Hinnom kuam sung kivukcip ding a, Judah kumpi Uzzah' hun lai-in zinlin'na-a a kivukcip mah bang ding hi. Tua ciangin Topa ka Pasian hong pai ding a, a mi siangthote khempeuh hong tonpih ding hi. ... 9Tua ciangin Topa pen leitung khempeuh' kumpi suak ding a, mi khempeuh in amah bek thei-in bia ding uh hi.
Maangmuhna 21:2. Mothak khat a pasal tawh a kituah dingin a kizem bangin vantung Pasian kiang panin Khuapi Siangtho ahi Jerusalem khua thak a hong paisuk ka mu hi.
Dawnna: ____________________
Phawk Ding:
Kum 1000 abei ciangin misiangtho teng khempeuh khuapi siangtho sungah omsa-in hong tuaksuk ding uha, tu-a Olive mual aomna munah vantung panin hong tuaksuk ding uh hi. Tua khuapi kingakh nadingin Topa in tua mualpi zangtaam suaksak ding hi.7. Satan a kikhahkhiat khitciangin bang piang ding hiam?
Revelation 20:5, 7. Kum tul khat a cin'mateng a si __________ hingkiklo uh hi. Hih pen sihna panin thawhkikna a masa ahi hi. ... 7Kum tul khat a cin' ciangin a thongkiatna panin Satan kikhah ding a,
Dawnna: ____________________
Phawk Ding:
Migilote a thawhkik khitciangin Satan in khem a, ama deih bangin a bawlkik theih nadingin khat vei kikhahkhia kik ding hi.8. Migilote hong thawhkik ciang Satan in bang sem ding hiam?
Revelation 20:8, 9. Gog leh Magog a kici __________ gam khempeuhah a om minam khempeuh a khem dingin kuankhia ding hi. Satan in a galsimpih dingin tuipi gei-a sehnel zahin a tam mihonpi kaikhawm ding hi. __________ khempeuhah amaute pai uh a, Pasian' mi siangtho omna mun leh Pasian in a it khuapi umcih uh hi. Ahi zongin vantung panin meikuang hong paisukin amaute a kangtum hi.
Dawnna: ____________________
Phawk Ding:
Satan in thumaan lopi-in vantung pan kei hong kihawlkhia hi kipawlkhawm iin khuapi do-in la ni ci-in mite khem ding hi. Mipite thukim ding uha khuapi siangtho pualam ah awngin migilote in a zo ding kisa-in Jerusalem Thak dohuan ding uh hi.9. Hih bang hun laitakin, bangin na khempeuh khawlsak hiam?
Maangmuhna 20:11, 12. Tua ciangin __________ kang a lian khat leh a tungah a tupa ka mu hi. Ama omna panin lei leh van lengkhiamang a, a tun'na mel uh kitheilo hi. A lian a neu misite tua __________ mai-ah dingin laibute a kilem ka mu hi. Tua ciangin a nungta mite a kigelhna laibu a dang khat zong a kilem ka mu hi. Amaute' gamtatna tua laibute sungah a kigelhna tawh kizui-in misite tungah thu a kikhen hi.
Dawnna: ____________________
Phawk Ding:
Pasian tokhom thakhatthu-in khuapi tungah hong kilang dinga, anunung pen thukhenna hong kipanta ding hi. Thakhatthu-in simvat ding acih pen uh hong khawlvat a, Laibute kiphen a, mihingte khempeuh gamtatna teng khempeuh hong kilang hi. Na khempeuh midikte leh migilote mai ah avekpi-in hong kilangta hi (Luke 12:2, 3).
10. Migilote thu akikhen khitciangin bang piang ding hiam?
Rom Laikhak 14:11. Lai Siangtho sungah, “Kei pen a nungta ka hih mah bangin ka mai-ah mi khempeuh hong kun ding a, Pasian ka hihna thu mi khempeuh in pulak taktak ding uh hi, Topa in ci hi,” ci-in a kigelh hi.
Filippi 2:10, 11. Tua ahih manin vantung, leitung, leinuai-a om mi khempeuh in Jesuh pahtawi-in khukdin' ding uh a, Jesuh Khrih, Topa ahi hi, ci-in taangko-in Pa Pasian a min thangsak ding uh hi.
Maangmuhna 19:1, 2. Tua khit ciangin vantungah mihonpi a kikona awging tawh a kibang khat ka za a, “Pasian phat un! Hotkhiatna, minthan'na leh __________ pen eite' Pasian-a' ahi hi. A thukhennate thumanin thutang a, a paktatna tawh leitung mi khempeuh a siasak, a paktatnu tungah thu khen khinta a, ama nasemte a thahsakna hangin ama tungah a phu la khinta hi,” a ci uh hi.
Dawnna: ____________________
Phawk Ding:
Migilote khempeuh in Pasian thudik-a athukhenna maan mah hi, Pasian in honnuam mah a, ahi zongin amaute in nial den uh ahih man hi, mawhna sung mah ah ut zaw uh ahih man hi cih hong thei ta uh hi. Tua khitciangin, mawhna tawh kidona khempeuh bei dinga, mawhneite khempeuh kisusia maimang ding hi.11. Tua khitciangin bang piang leuleu ding hiam?
Maangmuhna 20:9. Leitung khempeuhah amaute pai uh a, Pasian' mi siangtho omna mun leh Pasian in a it khuapi umcih uh hi. Ahi __________ vantung panin meikuang hong paisukin amaute a kangtum hi.
Maangmuhna 20:15. A nungta mite a kigelhna laibu sungah a min a omlo peuhmah meiphualpi sungah kilawn hi.
Dawnna: ____________________
Phawk Ding:
Pasian khuapi kimkot tengah Pasian meikuang hong kiasuk dinga, migilo teng khempeuh kangtum ding uh hi. Hih meikuang in mawhneite khempeuh vut leh vai suaksak ding hi (Malachi 4:3). Dawimangpa in hih hell meikuang bangmah cih thei lo ding hi. Thamlo-in amah leh dawigilo teng khempeuh te in zong tua hell meikuang thuak ding uha, vut suak ding uh hi (Mangmuhna 20:10; Ezekiel 28:18). Hih hell meikuang sunga site adingin thawhkikna om nawnlo hi. Hihpen nih vei sihna kici hi (Mangmuhna 20:14).12. Meikuang khempeuh amih khitciang Pasian in Ama mite adingin bang hong sem ding hiam?
Isaiah 65:17. “Tu-in vantung thakte leh leitung thak ka piangsak hi. A beisa thute kiciamteh nawnlo ding a, kiphawkkha nawnlo ding hi.
Peter Nihna 3:13. __________ in Pasian' hong ciamsa, thuman bekbek a kizatna ding mun van thak leh lei thak a ngak ihi hi.
Dawnna: ____________________
Phawk Ding:
Kum 70 khitciangin Israel mite Babylon gam pan khapsa gam ah hong ciah kik uha, khuapi hong lam kik uh hi. Kum tul khitciangin misiangthote in Zeisu bawl van thak (huihlak) leh pauban omlo lei thak thu teci pang ding uha, tua lai ah mawhna cih peuh mah om kik ngei nawnlo ding hi (Nahum 1:9) Adam leh Eve in atansuah khitsa uh Eden huan thak pen zong ahoih zaw in hong kipia kik ding hi. Kilemna, Lungnopna, itna, leh nuamna kicing Pasian mite-in nei tawntung ding uh hi!13. Pasian leh midikte koilai ah teeng suak ding uh hiam?
Matthai 5:5. A __________ mite in Pasian' ciamsa leitang ngah ding uh ahih manin thupha ngah mi ahi uh hi.
Maangmuhna 21:3. Tokhom panin nakpi takin awging khat ka za a, “Tu-in Pasian omna inn pen mite tawh omkhawm ta hi. Pasian in amaute ompih ding a, amaute pen ama mite hi ding uh hi. Pasian mahmah amaute tawh omkhawm ding a, amah pen amaute' Pasian hi ding hi.
Dawnna: ____________________
Phawk Ding:
Pa Pasian leh Tapa Pasian te in a misiangthote uh tawh leithak ah teengkhawm ding uh hi. Ngaihsun dih ve—Pasian innveng aa nei ding!14. Zeisu in, “Note om nading mun bawlkhol-in kapai ding hi.”John 14:2. Amahin khuapi siangtho sungah na om nading inn golpi nei hi. Ama hong piakkhong nuntaak tawntungna tu-in na sang nuam nai hiam? Sang lecin nuntaakna thak leh Ama gam adingin kiginkholhna nang hong pia ding hi.
Dawnna: ____________________
Hilhcianna
Kum 1,000 Khat
Kum 1000 kipatna a thupiangte:
1. Zeisu A misiangte la ding hong paikik, midik asite tho kik.
2. Topa hong paina vaangin migilote thatlum, zinling, gialpite kia-in susia ma-ang.
3. Ahinglai midikte kikhel-in huih lak ah Topa tawh kimu dingin kila to.
4. Meilomte-in midikte vantungah puak to.
Kum 100 sunga thupiangte leh adinmun:
1. Misiangthote in vantungah mimawhte akithukhenna ah kihel.
2. Satan leh adawi gilote hih leitungah khuamialpi leh siatcipna sungah ki-om cip sak.
3. Hih leitungah a nungta mi khat beek om lo.
Kum 1000 bei cianga thupiangte:
1. Zeisu Ama misiangte TAWH hong pai kik, Olive Mual tungah khuapi siangtho kinga.
2. Migilote thokik, Satan in khuapi siangtho do dingin migilote zol.
3. Migilote thu kikhen, vantung pan meikuang kia in migilote-in haltumna thuak.
4. Pasian in vut asuak leitang siangsak iin, van thak leh lei thak bawl.
Mongneilo Kawhawm
“Mongneilo kawhawm” Mangmuhna 20:1 sunga pen mi tampi in telsiam lo uhhi. Greek kammal pan-a kila hi a, “abusos,” mikangkam iin “abyss,” kici hi. Greek Laisiangtho Lui sungah, hih kammah pen lim leh mel neilo cihna hi a, khuamial tawh kidim leitung piansak ma-a omdan ahi hi. “Leitung in lim leh mel neilo a, khuamial sahpi in tuam hi.” Piancil 1:1,2. “Abusos” cih kammal pen Luke 8:31 sungah zong kimu kik thei hi, dawite in khutzat khat beek aneih theih lohna mun uh cihna lim ahi hi.
Kum 1000 sungin, dawimangpa in “khem ding kuamah neilo” ahih manin khau kikhih ahi hi.” Mangmuhna 20:3. Sikkhau takpi tawh dawi khat bangci hen ding ih hi hiam? Akidal thei khat bek pen kuamah akhem theih nawnloh nadingin, kuamah nungta om kei leh hi ding hi. Zeisu hong paikik ciangin mimawhte khempeuh sikhin dinga, midik teng khempeuh vantung kahto ding uh hi. Tua manin Satan leh adawi gilote hih leitungah om ding uha, kuamah khem ding neilo ding uh hi. Tua kum 1000 sung tengin amau bawlna hanga hih leitung siatna teng vel kawikawi ding uh hi. Tua sanga haksa zaw aom nawnlo omzia tawh kihencip ding ahi hi. “Gum sunga om thongkiate bangin amaute kikaikhawm ding hi, thong sungah amaute kikhaknelh dinga ni tampi khitciangin amaute kidaantat ding hi.” Isaiah 24:22.