Lesson 2Zeisu nungzuite tungah lunggimna lianpi tung hi. Pasian gam hong kiphut ding ci a, a lametna khempeuh tenguh amaa Friday ni-in singlamteh tungah kikilhcip ta hi.
Dahna lungmanna lungleenna leh lungzuanna tawh kidimin aom laitak un Cleopas leh alawmpa khat in Jerusalem pan tai sagih gamlatna aom, atenna khua uh Emmaas lam zuan-in hong ciah uh hi. Sunday nitak nitum dektak ta, lampi lah neu hoihlo mahmah a tot laitak un, meltheih loh midang khat in anunglam pan un pha- i n h o n g t o n k h a w m uh hi. Hih a phapa pen sihna pan a thokik Topa ahih ding pen tawmcik bek upmawhna nei uh hi.
Alungkia mahmah alungkham mahmah hih nungzui nihte in, tua kaal sunga thupiangte hangin lametna abeisaknate uh kikum uh hi. Zeisu in limtakin a thugente uh ngai a, hih alungkia mahmah alawmte kiangah kilaakkhia nuam hi. Ahih hangin Laisiangtho sunga thumaan thutak agen pen Zeisu ahih lam nidang sangin tu in atheih ding uh kisam mahmah zaw hi.
Hih nungzui nihte in Zeisu pen kua hi takpi hiam cih thei uh hi leh, nasia takin lamdang sa-in agen lai ding thute limtakin ngai zaw lai ding uh hi. Kum thum leh alang sung bang a thuhilhna leh athugennate azak uh hangun, Zeisu sawlna taktak bang hiam cih tel taktak nailo uhhi. Zeisu in siangtakin gen ngei khin zo hi. "Mihing Tapa in amaute khut sungah kipia dinga, amaute in amah that ding uh hi, ahih hangin athah khit uh ni thum ciangin tho kik ding hi, ci hi. Ahih hangin amaute in tel takpi nailo-in, dot kik ding lah dong kik ngamlo uh hi." Mark 9:31-32.
Zeisu in tua nihte dahna thu akiho laitak mah botsatin Laisiangtho leh genkholhna thute a teltheih nadingun nai nih sung thuhilh hi.
1. Laisiangtho bangteng up dingin hong kisawl hiam?
Luke 24:25. ... Kamsangte gen sate __________ uphak sa si uh cia!
2 Timothy 3:16. Laisiangtho __________ Pasian humuap hi ...
Dawnna: ____________________
Phawk Ding:
Thumaan thutak Pasian kammal khempeuh pen Laisiangtho Lui leh Laisiangtho Thak sungah kigelh hi. Laisiangtho Lui sung panin Mangmuhna bu ih telthei ding hi. Gentehna-in Mangmuhna bubup sungah aneu 404 om a, tuate lakah aneu 278 pen, Laisiangtho Lui sung pan-a ta-angthute leh genkholna thute bekbek ahi hi.2. Zeisu in Laisiangtho leh genkholhna te in kua thu hong hilh nuam hi ci hiam?
Luke 24:27 Tua ciangin Moses a kipan Kamsangte __________ in amah tawh kisai-in Laisiangtho sunga a gensa __________ amah in amaute tungah a hilhcian hi.
John 5:39 Laisiangtho simna hangin nuntak tawntungna a kinei sa na hi manun limtakin na sin uh hi. Hih Laisiangtho, kei thu teci pang ahi hi.
Mangmuhna 1:1 Pasian in a sawt lo-a tung pah dingte a nasemte tungah lak dingin amah a piak Jesu Christ kilaakna ahi hi.
Dawnna: ____________________
Phawk Ding:
Laisiangtho buppi in agennop thubulpi pen Zeisu thu bek ahi hi. Hih ih thusinna sungah genkholhna tampi kihel ding hi. Ahih hangin theih ding thukhat in, Daniel leh Mangmuhna buppi in agen thupen Topa Zeisu leh Ama kumpi gam ahi hi.3. Laisiangtho sungah Zeisu mindang bang hiam?
John 1:1. A kipat cilin Thu na om a, tua Thu, Pasian tawh na __________ a, tua Thu, Pasian ahi hi.
John 1:14. Tua Thu mihing hong suakin kote lakah hong om a, itna nei-in citak mahmah ahih manin Pasian' pianzia a neihna ka mu cian uh hi. Hih pianzia pen Pasian' Tapa khat bek hihna tawh a neih pianzia ahi hi.
Dawnna: ____________________
4. Pasian in Laisiangtho bu at dingin kuabang mite zang hiam?
2 Peter 1:21. Bang hang hiam cih leh mihingte in a deih manin mailam thugenkholh theihna a kingah hilo a, Kha Siangtho' sawlna tawh Pasian' kiang panin a hong pai thute a __________ ahi zaw hi.
Dawnna: ____________________
5. Zeisu ih theihna bek in nuntaak tawntungna hi (John17:3). Bangci bangin anungzuite in Zeisu thei uh hiam?
Luke 24:35. Tua ciangin tuate gel in lampi a thupiangte le Jesu in __________ a balkhap laitaka a meel a theihcian patna uh thute a gen uh hi.
Dawnna: ____________________
Phawk Ding:
Laisiangtho sungah Pasian Kammal pen anluum tawh na genteh hi. Zeisu in, “Mite anlum bek tawh nungta hi lo-in Pasian kam sung pana pusuak thu khempeuh tawh a nungta hizaw hi,” ci hi (Matthew 4:4). Laisiangtho simin zui-in ih om ciangin, lungnopna, khamuanna, thahatna, leh nuntaak tawntungna ihmu hi.6. Christian te in Laisiangtho bangzahta-in sin huai?
Job 23:12. Pasian' thupiakna bangin ka __________ ngitnget a, keima utna zuiloin ama deihna ka zui hi.
Late 119:105. Na thu in ka khe adingin meivakhi a, ka lampi ah khuavak ahi hi.
Dawnna: ____________________
Phawk Ding:
Dawimangpa in Laisiangtho mudah mahmah a, mite in asimloh nadingin hong dal ding hi. Genkholnate in mi akhem sawmziate kilanghsak hi cih thei ahih manin, hih banga Laisiangtho thusinnate sangin thudang hong kinsak nopzawk leh lamdangsak ding hilo hi. Thumaan theinuam khempeuh in, mu-a atheih nadingun Pasian in lam honsak ding hi.
7. Laisiangtho ih tel nadingin kua in hong huh hiam?
John 16:13. Ahi hangin amah thutak Kha hong pai ciangin thutak __________ ah hong pi ding hi. Ama thu hong gen ding ahi kei hi. A zak thute bek gen dinga, hong piang lai ding thu note hong hilh ding hi.
John 14:26. Ahi hangin tua Thukuppihpa keima mina Pa in hong sawl ding tua Khasiangtho in na __________ hong hilh dinga, kong gensa __________ hong phawkkiksak ding hi.
1 Corinthians 2:13. Tua ahih manin hih bangin thu ka hong gen uh ciangin zong, mihingte' hong hilh pilna kamte a zang hiloin, Kha Siangtho a nei mite tungah kha tawh kisai thu ka gen uh ciangin Kha Siangtho in a hong hilh kammalte zangin a gen ka hi uh hi.
Dawnna: ____________________
8. Laisiangtho sinna-ah Khasiangtho in hong huh nadingin bang ka hih ding kul hiam?
Luke 11:9. Tua ahih manin note kiangah kong cihin-ah: Ngen un; na ngah ding uh hi. Zong un; na mu ding uh hi. Kiu un; kongkhak hong kihon ding hi.
Luke 11:13. Note mihoihlo hinapi-in na tate uh tungah a hoih piakding theithei na hih uh leh, vantunga om na Pa un a __________ tungah Kha Siangtho piazaw kan ding hilo ahi hiam?” a ci hi.
John 7:17. Mi khatpeuh in Pasian deihna hih ding a teel leh, ka thuhilhna Pasian pan hiam, ahikeh keima thu a gen ka hi hiam, cih a mukhia ding hi.
Dawnna: ____________________
Phawk Ding:
Laisiangtho thumaan ih theihtelna pen Khasiangtho hong huhna hang ahi hi. Tua man mahin Pasian Kammal ihsim ma-in thunget tawntung ding ahi hi. Pasian Khasiangtho in ka Laisiangtho simna ah (1) Hong makaih in ci-in Ama kiang ngen-a (2) Thumaan hong lah bangin zui dingin ka khensat leh hong huh takpi ding hicih ka thei hi.9. Ki-ap taka Pasian thu sinna in hong bangci kep hiam?
Late 119:11. Nangma tungah kong __________ lohna dingin ka lungsim sungah nangma thu ka khol hi.
Jeremiah 33:3. Kei nong sap leh kong dawngkik ding a, na theih ngei nailoh a ki-imcip thu lianpite kong gen ding hi.
Romans 15:4. Lai Siangtho sungah a om thu khempeuh pen eite hilhna ding, eite in lametna nei-in i thuakzawhna ding, leh i thahat theihna dingin a kigelh ahi hi.
James 1:5. Note lakah pilna kisam khatpeuh a om leh, kuamah tai lo-a cingh taka a pia pa Pasian kiangah ngen leh amah kipia ding hi.
Dawnna: ____________________
10. Laisiangtho bangci banga sim ding cih Laisiangtho in hong hilh hiam?
Isaiah 28:10. Bang hang hiam cih leh mal khat __________ mal khat, gual khat __________ gual khat, thu khat __________ thu khat, cih bang hilel hi,” hong ci uh hi.
1 Corinthians 2:13. Tua ahih manin hih bangin thu ka hong gen uh ciangin zong, mihingte' hong hilh pilna kamte a zang hiloin, Kha Siangtho a nei mite tungah kha tawh kisai thu ka gen uh ciangin Kha Siangtho in a hong hilh kammalte zangin a gen ka hi uh hi.
2 Peter 1:20. Na phawkding uh a thupi mahmah khat in: Lai Siangtho sunga om thugen kholhnate, kuamah in ama pilna tawh a khiatna gen theilo hi.
Dawnna: ____________________
Phawk Ding:
Laisiangtho ih sim ciangin ih ngaihsutna omsa khempeuh koihkhia phot dinga, Pasian in bang hong gennuam hiam ci-in (hih lai ah tawm hualai ah tawm) cih bangin saikak dimdiam-a sim ding ahi hi. Eite in Laisiangtho amah leh amah ih kikhiatsak ding ahi hi.. Tuabanga ih hih leh thumaan thutak hong kilang ding hi. Emmaas khualam zuan nungzui nihte tungah Zeisu in tua bangin amah Messiah ahihlam na hilh hi (Luke 24:27).11. Laisiangtho ih sim manin bang phatuam ding ih hi hiam?
2 Timothy 3:15. Christ Jesu sunga upna tungtawnin hotkhiatna ngah nadingin hong pilsak thei a siangtho Laisiangtho na neu __________ kipan na theihsa ahilam zong na thei hi.
Dawnna: ____________________
Phawk Ding:
Asithei mihingte adinga hong kipia athupi mahmah Pasian hong gelsak alian gupkhiatna thu ih teltheih nadingin Laisiangtho in hong huh hi.12. Zeisu hilhna tungtawnin, thumaan koi ah ih mu diam?
John 14:6. Jesuh in ama kiangah, “Keimah in Lampi ka hi a, __________, leh Nuntakna zong ka hi hi. Kei hong suangloin Pa kiangah kuamah tung theilo ding hi.
John 17:17. Nangma __________ hilhna tawh amaute a siangtho nangma zat dingin na bawl in.
Dawnna: ____________________
Phawk Ding:
Pasian Kammal (Laisiangtho) bek panin thumaan thutak ih mu hi. Tuhun ciangin hih leitungah thumaan thutak omnawn peuhmah lo hi. Tua manin mihingte in thuaksia zaw semsem hi. Thumaan thutak ih cih pen Laisiangtho sung bek ah kimu thei hi. Laisiangtho sim-a hong gen bang zuihna in mihingte hong suakta sak hi (John 8:32) Hong lungdam sak a, nuntaakna nuam hong pia hi (John 15:11).13. Laisiangtho ih simna ah bang kidop ding om hiam?
2 Timothy 2:15. Pasian' thuman a mantakin hilhin, na nasepna-ah maizumna __________, Pasian' pahtakna na ngahtheihna dingin na siam tawpin hanciam in.
2 Peter 3:16. Lai a hong gelhna sungah a thugente tu-ate mah a gennuam ahi hi. A laigelhna sungah a telhak thu tampi om a, theihna kicing loin lungsim kiplo mi pawlkhatte in Lai Siangtho sung thu a ututun a kawihei uh bangin Paul' thugente zong a manlopi-in khia uh ahih manin siatna a tuaklawh uh hi.
Dawnna: ____________________
Phawk Ding:
"Thumaan thutak khensiam in" cih pen adeihna amaan leh akituak taka akhiatna khiat ding cihna ahi hi. Laisiangtho ei deihna banga akhiatna mawk gen pen lauhuai mahmah hi. Laisiangtho ei deih banga mawkkhiat ding hilo a, amah leh amah kikhiatsak ding hizaw hi.14. Banghang in Pasian thu kigente sittel ding kulse ahi hiam?
Acts 17:11. Thesalonika khuamite sangin Berea khuamite in mipi lungsim neizaw uh hi. Amaute in lawp mahmahna tawh Paul' __________ ngai uh a, Paul' __________ man taktak hiam ci-in a theihna dingun nisimin Lai Siangtho a sim uh hi.
Isaiah 8:20. Tua ciangin note in, “ Topa in note hong hilh thute ngai un. Aisante' thu ngai kei un. Amaute' hong gen thute a kiman'na omlo hi,” ci-in dawng un.
Dawnna: ____________________
Phawk Ding:
Pasian thu akigen khempeuh Laisiangtho tawh sittel ding ahi hi. Akihilh thute Laisiangtho tawh akituah kei leh akhial hi a paihkhiat ding ahi hi.15. Emmaus khua a zuan alungkia a nungzui nihte Zeisu in Laisiangtho thu ahilh ciangin bangci uh hiam?
Luke 24:32. Amaute gel in, “Lampi-ah i paikawmin Lai Siangtho __________ hong gen laitakin i lungsim hong lawpsak mahmah hi mah lo ahi hiam?” a kici uh hi.
Dawnna: ____________________
16. Nungzui nihte in Zeisu nungta kik zo a, genkholhna thute ahilh lam atheih uh ciangin bang hong sem uh hiam?
Luke 24:33. Amau zong thakhatin dingpahin Jerusalem-ah __________ uh a, nungzui sawmlekhatte leh adangte na kikhawmin
Dawnna: ____________________
Phawk Ding:
Nungzuite in Zeisu Laisiangtho hilhna azak khit uh ciangun alungsim uh lawngin azak uh thuthak genkhia lo-in om thei nawnlo uh hi. Tua mah bangin nang zong hih Laisiangtho thusinna ah na lawmte hong kihel theih nadingin lunggulhna tawh a zawn dingin kong lamen uh hi.17. Laisiangtho tel taktak nuam-in, Na zui nuam hiam?
DAWNNA: ____________________
Hilhcianna
Anuai-a te khiatna nei kammalte hi a, tua khiatnate theilo-in, Laisiangtho kitello ding hi.
Vantungmi = Sawltaak, thupuaknu, thupuakpa
Daniel 8:16; 9:21; Luke 1:19, 26; Hebrews 1:14
Babylon = Biakna maanlote/ buaigawp-kitello
Piancil 10:8-10; 11:6-9; Mangmuhna 18:2, 3; 17:1-5
Sapi = Kumpi gam/ki-ukna/ leitung thuneihna
Daniel 7:17, 23
Anluum = Pasian' Kammal
John 6:35, 51, 52, 63
Ni = Kum acihna (literal year)
Ezekiel 4:6; Gamlakvakna14:34
Gulpi = Satan / Satan a sawltaakte
Isaiah 27:1; 30:6; Late74:13, 14; Mangmuhna 12:7-9; Ezekiel 29:3; Jeremiah 51:34
Taltang = Khuak/ngaihsut khentatna
Romans 7:25; Ezekiel 3:8, 9
Khut = Sepna
Thuhilhsia 9:10
Paktat = Pawlpi maanlo / biakna maanlo
Isaiah 1:21-27; Jeremiah 3:1-3, 6-9
Lutang = Thuneipipa/ukna neipa/kumpi gam
Mangmuhna 17:3, 9, 10
Kii = Kumpi / Kumpi gam
Daniel 7:24; 8:5, 21, 22; Zechariah 1:18, 19; Mangmuhna 17:12
Tuuno = Zeisu / kithohna
John 1:29; Korintu Masa 5:7
Meivak = Pasian' kammal
Late 119:105
Humpi = Zeisu Khazih
Mangmuhna 5:4-9
Ciaptehna = Sign or seal thukimpihna or thukimpihlohna
Ezekiel 9:4; Romans 4:11; Mangmuhna 13:17; 14:9-11; 7:2, 3
Mual = (Gamvai) Political or biakna-gamvai thuneihna
Isaiah 2:2, 3; Jeremiah 17:3; 31:23; 51:24, 25; Ezekiel 17:22, 23; Daniel 2:35, 44, 45
Sathau = Khasiangtho
Zechariah 4:2-6; Mangmuhna 4:5
Asan = Mawhna/simtatna
Isaiah 1:18; Nahum 2:3; Mangmuhna 17:1-4
Suangpi = Zeisu/thumaanna
1 Korintu 10:4; Isaiah 8:13, 14; Romans 9:33; Matthew 7:24
Ciaptehna = Sign or mark thukimpihna or thukimpihlohna
Romans 4:11; Mangmuhna 7:2, 3
Gulpi = Satan
Revelation 12:9; 20:2
Aksite = Vantungmite/ thupuakte
Mangmuhna 1:16, 20; 12:4, 7-9; Job 38:7
Ni(Sun) = Zeisu/ lungdamna thu
Late 84:11; Malachi 4:2; Matthew 17:2; John 8:12; 9:5
Namsau = Pasian' kammal
Ephesians 6:17; Hebrews 4:12
Guta = Thakhatthu-a Zeisu hong pai kik na
1 Thessalonians 5:2-4; 2 Peter 3:10
Hun = Kum acihna
Daniel 4:16, 23, 25, 32; 7:25; Daniel 11:13 margin
Tui = Mihingte tenna/mi, minam, gam
Mangmuhna 17:15
Puantualpi kaang= Gualzawhna/diktanna
Mangmuhna 19:8; 3:5; 7:14
Huih = Galdona/kidona/ kidona huih “winds of war”
Jeremiah 25:31-33; 49:36, 37; 4:11-13; Zechariah 7:14
Numei, hoih/siangtho = Pawlpi maan
Jeremiah 6:2; 2 Korintu 11:2; Ephesians 5:23-27
Numei, hoihlo/paktat = Pawlpi maanlo
Ezekiel 16:15-58; 23:2-21; Hosea 2:5; 3:1; Mangmuhna 14:4