Lesson 23Elisha in akhangmoi meigongnu lungkham-in aom mu hi. Akhangham kamsangpa khephungah kidenna-in thuum hi, “Ka leibatna pa hong pai-in ka tapa nihte asila dingin hong laksak sawm hi!” Tua numeinu a pasal in leiba tampi tawh sihsan vat hi. Laisiangtho hunlai-in, leibapa in aleibat aloh zawh kei leh abatnate in avan teng khempeuh laksak thei, a tate uh zong leiba tangin la thei hi (Job 24:9).
Elisha in a lungkham mahmah nupinu kiangah, “Na inn sungah bang nei na hiam?” ci-in dong hi. “Na nasemnu in sathau biing khat cih simloh inn sungah bangmah dang neilo hi,” a ci hi. A leibatnapa tungah a neihsa avan manpha teng themthem in piapia iin, aneihsa teng beita a, a tapa nih leh a sathau biing khat bek aom lai hi. Olive thau pen a kitangsam penpen-a kingaihsun hi-a, meivak, satsakna, anhuanna, leh damna dinga kizang ahi hi.
Elisha in meigongnu leh a tapate kiangah na vengte kiang pai unla beel hawm aom zahzah va kawm unla hong ciahpih un. Kong kikhakkhum unla beel hawm tengah na sathau biing neu uh sungsuk un ci hi. Elisha sawl bangin hih uha, nalamdang hong piang hi. Inn sunga beel hawm teng adim dongin sathau biing neu sunga sathau hong luangluang hi! “Tun bang cih ding ka hi uh hiam?” ci-in amoi nupinu in kamsangpa dong hi.
“Pai in, sathau zuak inla na leibate loh in. A om lai teng tawh nang leh na tapate na nungta thei ding uh hi,” a ci hi. Hih nupinu leh a tapate Elisha omna pan hong paikhia uha, nalamdang sathau hangin lungdam mahmah iin suakta uh hi. Topa in hehpihna neilo leibatnapa ahi Satan kiang pan hong suaktasak nuam hi. A tuamvilvel Ama sathau tawh na haii hong dimletsak ciangin nalamdang hong piang ding hi.
1. Laisiangtho sungah sathau leh beel te in bang limciing hiam?
Sawltak Tangthu 9:15. Ahi zongin Topa in Ananias kiangah, “Gentail mite, kumpite, leh Israel mite tungah keima min a kitheisak ding, keima na a sem dingin __________ ka hih manin ama kiangah va pai in.
Samuel Masa 16:13. Tua ciangin Samuel in a sathau biing sunga sathau la-in a sanggamte laizangah amah sathau a nilh hi. Tua ni-a kipanin Topa' kha in khauhtakin David hong uk hi. Tua ciangin Samuel dingin Ramah-ah a ciah hi.
Dawnna: ____________________
Phawk Ding:
Pasian in beelseekpa hi a eite in tungman bang ih hihi ci-in Laisiangtho in hong hilh hi (Jeremiah 18:1-6; Romans 9:20, 21). Mi khempeuh ngimna om-a hong kibawl ahi hi. Laisiangtho sungbup ah sathau pen Pasian Khasiangtho limciing ahi hi. Ih lung sungah a hong taang Pasian Khasiangtho koici banga hong taang hiam cih lahna dingin a siangtho olive thau pen Hebia te biakinn sungah ataang dingin kivak paisuak hi. Pasian in a mite Ama Khasiangtho tawh akidim dinguh lunggulh hi (Joel 2:28).
2. Khasiangtho in Pasian hiam aikeh lungsim pumpi anei hiam?
Sawltak Tangthu 5:3, 4. Peter in, “Ananias aw, bang hangin Satan' thu-in gamta a, na lo zuak man sumte pawlkhat kem simin, Kha Siangtho khem na hi hiam? 4Tua lo na zuakma-in nangma-a' hi a, na __________ ciangin a sum zong nangma-a' mah ahi hi. Tua hinapi-in bang hangin tua bangin gamtat ding ngaihsun peuhmah na hi hiam? Mite a khem hiloin Pasian a khem na hi hi,” a ci hi.
Efesa 4:30. Ni khat ni ciangin Pasian in note hong tatkhiat taktakna ding thu a ciantakin hong lahna leh Pasian' neihsa na hihna uh hong ciamtehna-in Kha Siangtho hong pia ahih manin, tua Pasian' Kha Siangtho na dahsak kei un.
Dawnna: ____________________
Phawk Ding:
Peter in agenna ah, Khasiangtho khemna in Pasian khemna ci hi. Tua thamlo-in, Zeisu in Pa min, Tapa min, Khasiangtho min tawh na tuiphum un ci hi (Matthew 28:19, 20), tua manin, Khasiangtho pen thumgawm Pasian lakah khat hi, Pa leh Tapa tawh kiza kim hi. Laisiangtho in Khasiangtho kidahsak thei hici ahih manin Khasiangtho in ngaihsutna nei hi. Amah pen lungsim pumpi neilo hilo hi. Laisiangtho sungah Khasiangtho pen hehnempa, Anungta Khasiangtho, thumaan Kha, Topa Kha, Pasian Kha sagih leh Kha hi ci in gen hi. Hih thu teng in lungsim pumpi nei ahihna hong lak hi.
3. Khasiangtho nasep bulpi in bang hiam?
Johan 16:13. Tua ahih manin thuman hong lak ding Kha Siangtho hong tun' ciangin thu khempeuh a manin hong hilh ding hi. Ama __________ thu hong gen ding hilo a, ama tungah a kigen thute leh a hong tungding thute a hong gen ding ahi hi.
Johan 14:26. Ahi zongin Pa in keima tangin a hong sawl ding Huhpa Kha Siangtho a hong tun' ciangin note tungah thu khempeuh hong hilh ding a, note tungah ka hong gensa thu khempeuh zong hong phawksakkik ding hi.
Dawnna: ____________________
Phawk Ding:
Zeisu in note tawh ka hong omkhawm tawntung ding hi ci-a hong kamciam pen Khasiangtho pumpi (the person of Holy Spirit) tungtawnin eite tawh ih sungah hong om khawm hi (John 14:17).4. Mawhna amai theilo ding khat in bang hiam?
Matthai 12:32. __________ Tapa langpangin a gensiate a mawhna uh kimaisak thei ding a, ahi zongin Kha Siangtho langpangin a gensiate pen tuhuna kipan a tawntungin a mawhna uh kimaisaklo ding hi.
Dawnna: ____________________
Phawk Ding:
Khasiangtho langpan-a gensiatna in langpanna khat hiziau lo a, thumaan thutak nial paisuak a, atawpna ah Pasian deihna anial a suak hi (Hebrews 10:26, 27). Mi khat in Khasiangtho hilhna olmawh lo-in anial niloh leh Khasiangtho aw azak nonloh zah dongin a khentel theihna khuak keugaw hi. Tua manin abawl mawhna “amai theilo mawhna” abawl hangin acil lai bangin lunghimawhna om nonlo-a lau thei nonlo hi.
5. Mihingte ngah theih ding pawlkhat Khasiangtho silpiak te bang hiam?
Korin Masa 12:8-10. Kha Siangtho in mi khat tungah thuthuk pilna hong guan' a, tua Kha Siangtho mah in adang khat tungah thugen siamna hong guan' hi. 9Adang khat tungah upna hong guan' a, adang khat tungah cina damsak theihna hong guan' hi. 10Adang khat tungah na lamdang bawl theihna, adang khat tungah Pasian' thu hilh ding siamna, adang khat tungah Kha Siangtho piak siamna ahi leh a hilo khentheihna ding siamna, adang khat tungah pau lamdang pau theihna, adang khat tungah tua pau lamdang __________ paunate a khiatna gentheihna hong pia hi.
Dawnna: ____________________
Phawk Ding:
Ih nuntaakna sungah Khasiangtho hong pai ciangin silpiak tuamtuam hong keng hi. Mi khempeuh ngah silpiak kibang lo hi (1 Corinthians 12: 29-31). Laisiangtho in Kha tawh kidim a thupitna hong bulphuh zelzel hi. Zeisu in John 3:5 sunga hong hilhna ah: “tui le Kha tawh suak kik lote peuhmah Pasian gamah a lut thei kei ding hi.”ci hi. Adah huai ah, Khasiangtho leh Ama sep pen kitelkhial zel hi. Pawlkhat te in Khasiangtho pen lungsim pumpi neilo vang khat hiziau in hilh uh hi. Adangte in a nisim nuntaakna vuah Khasiangtho hilhna nial uha, adangte leuleu in Khasiangtho tawh kidim khempeuh kamtuam pau thei ding hi ci-in hilh uh hi.
6. Khasiangtho silpiak te lakah abang pen in Corinthians pawlpi sungah buaina kithukim lohna piangsak hiam?
Korin Masa 14:1, 2. Na deih lianpen uh ki-itna na hisak un. Kha Siangtho' hong piak siamna a tuamtuamte sung panin thuhilh siamna neihding na __________ phapen un. 2Bang hang hiam cih leh pau lamdang a paute pen mite' tungah thugen hiloin Pasian' tungah thugen ahi hi. Amaute' pau kuamah in theilo a, Kha Siangtho' vangliatna tawh Pasian' thusimte a gengen ahi uh hi.
Dawnna: ____________________
Phawk Ding:
Christian pawlpi masa te hunlai-in zong kampau silpiak (kamtuam) pen ana buaipih uh leh a kithutuah lohna khat mah uh ahih manin hih ih lesson sungah Laisiangtho in bangci bangin khalam silpiak thu hong gen hiam cih limsin diak ding hihang.7. Zeisu in leitung bupah Ama nungzuite thuhilhna koici bangin huh dingin kamciam hiam?
Marka 16:17. A um mite tungah hih vangliatna limte kipia ding hi: Keima hangin dawi __________ thei ding uh a, pau dangte pau thei ding uh hi.
Dawnna: ____________________
Phawk Ding:
Laisiangtho sunga “kamtuam”cih pen mihingte “kampau” cihna hi. Zeisu’ nungzuite ciim iin apil uh hangin a tamzaw in laitan neilo uh hi. Tua manin Leitung bupah lungdamna thu apuak theih nadingun Zeisu in a lamdang silpiak ahi asin ngeiloh uh namdang te kampau pau theihna pia dingin kamciam hi.8. Nungzuite in akibua Khasiangtho angah uh ciangin hong bangci uh hiam?
Sawltak Tangthu 2:1. __________ ni hong tun' ciangin Jesuh a um mi khempeuh mun khatah kikhawm uh hi.
Sawltak Tangthu 2:4. Amaute khempeuh Kha Siangtho tawh kidim uh a, tua Kha in minam dangte' pau tawh amaute a pau theisak hi.
Dawnna: ____________________
Phawk Ding:
Pentecost pen Judah te in paisan pawi khit ni 50 na ah abawl uh pawi hi. Biakpiakna pia dingin leitung bup aom Judah te in Jerusalem zuan ciat uh hi. Nungzuite in tua mite pianpih pau tawh lungdamna thu a hawpsawn theih nadingun Pasian in Ama Khasiangtho tungtawnin kampau siamna silpiak pia hi. A um mi khempeuh in azak uh lungdamna thuthak a gam ciat vuah puak sawn uh hi.
9. Khasiangtho hong kibuak ciangin gamdang pan-a hong pai Judah te in bang hong ci uh hiam?
Sawltak Tangthu 2:11. Jew mite leh __________ mi Jew biakna a zuite ihi a, pawlkhatte pen Krete gam leh Arabia gam pan ihi hi. Tua bang hinapi-in, Pasian' sep na lamdang liante a kigenna eima pau ciatin i za hi,” a ci uh hi.
Dawnna: ____________________
Phawk Ding:
Pawlkhat in kampau silpiak (kamtuam) cih pen “van pau” bangin ngaihsun uha Pasian ahih kei leh kamphen silpiak a ngah te bek ii theih dingin tuat kha uh hi. Laisiangtho in kitel takin hong lak-a nungzuite leh thugen angai khempeuh in bang thu kigen cih theih uha—“Pasian nalamdang bawlte” agen uh hi, ci uh hi. Laisiangtho sungah kamtuam pauna kipia nam thum bek om hi. Khat ih gen khin hi; tun adang nihte akician zaw-in ensuk ni.10. Peter in Cornelius leh a innkuanpih te kiang thu ahilh-in bang thupiang hiam?
Sawltak Tangthu 10:44. Tua bangin Peter in thu a hilh laitakin tua thuhilhna a ngai mite khempeuh tungah Kha Siangtho hong tungsuk hi.
Sawltak Tangthu 10:46. Bang hang hiam cih leh amaute in pau lamdang pau-in Pasian' liatna a __________ uh amau bil mahmah tawh a za uh hi. Tua ciangin Peter in
Dawnna: ____________________
Phawk Ding:
Cornelius pen Italy galkap mang khat hi-a (Sawltaakte 10:1) Peter pen Judah mi hi-in Aramaic kampau pau ahi hi. Leitung ta-angthu in hong gen mah bangin, Rome te inn sunga nasem ding pen leitung mun tuamtuam pan hithei hi. Tua manin hih kikhopna ah pau kibat lohna om hi.
Ahi zongin Cornelius leh a inn sunga om te tungah Khasiangtho hong tun ciangin amau pianpih pau tawh apaute' uh Peter tonpihte in tel uha “Pasian a phat uh” ii za hi ci uh hi. Hih thupiang teng Peter in Jerusalem-a pawlpi makaite kiang thu a puak na ah, “a cila eite tunga hong tung bangin amaute tungah Khasiangtho a tung hi.” Sawltaakte 11:15 ci hi. Cornelius leh a inn aom te-in Pentecost a nungzuite kamtuam ngah mah bangin kamtuam ngah uh hi. Amau kamtuam te in akithei kampau ahi hi.11. Ephet khuami nungzui 12 te tungah Paul in thu ahilh ciangin, bang thu piang hiam?
Sawltak Tangthu 19:6. Ahi zongin tho-in __________ sungah lut in; tua lai panin na gamtatna dingteng hong kigen ding hi,” a ci hi.
Dawnna: ____________________
Phawk Ding:
Paul pen mipil mahmah leh pau zong nam tampi tak apau thei Pasian nasem khualzin kawikawi khat ahi hi (1 Corinthians 14:18). Ephet khua a mi 12 te tungah Khasiangtho a tun ciangin kamsanna thu gen uha Paul leh Luke in nidanga a theih ngeiloh uh kampau hinapi tel uh hi.12. Akhiatna kithei lo kamtuam thu Laisiangtho in bang ci gen hiam?
Korin Masa 14:9. Tua mah bangin na thugenna uh kammal kitel sinsen kei leh kua in note' thugen theithei ding ahi hiam? Na thugen uh huihlakah a maimang suak lel ding hi.
Korin Masa 14:19. Ahi ta zongin pawlpite' biak kikhopna sungah pau lamdang kam tul sawm bang ka pau sangin midangte' __________ dingin a theihding uh kammal nga bek ka pauzaw ding hi.
Dawnna: ____________________
Phawk Ding:
Paul in kamtuam (kampau) cih pen khat leh khat kiho nading ahih kei leh thumaan thutak hilh nadinga zat ding hi ci-in hong gen kikkik hi. Laisiangtho akigelh cil Greek kammal-in “akitheilo” cih kammal neilo uh hi, ahih hangin lailetkhia te in tua hun laitak-a mi a tamzaw te adinga gamdang kampau hi ci-in hong letkhia uh hi. Corintu pawlpi (biakinn) ah minam kibang lo tampi kikhawm khawm uh hi a, khat veivei ciangin pawlpi mite in amau kampau ciat uh tawh thungen, teci pang, leh thugenna te hong neih uh ciangin pawlkhat tadingin akitheilo kampau suak hi. Tua manin Paul in mi a tamzaw in atheih kei-a kamphen ding aom kei leh dai takin om hen ci hi ( 1 Corinthians 14: 28). Eite in zong midangte in atel loh ding uh kamtuam (kampau) tawh thugenna, thungetna cih te ih neih loh ding cihna ahi hi.
13. Ta-anglai-a Babylon ii zia leh tong abulpi khat in bang hiam? (Babylon cihna ahang)
Piancilna 11:7. Hong pai un, amaute khatlekhat' thugen a kitheih lohna dingun eite paisukin amau' kampau va __________ ni,” a ci hi.
Piancilna 11:9. Tua ahih ciangin a min Babel kici hi. Bang hang hiam cih leh Topa in tua munah leitung khempeuh' kampau __________ hi. Tua lai mun panin Topa in leitung khempeuhah amaute a thehthang hi.
Dawnna: ____________________
Phawk Ding:
Babel tausang pen leitung khempeuh pau kilamdanna hong piankhiatna ahi hi. Hebrew kam iin Babel leh Babylon cih pen, “babel,” hi-a akhiatna “buaigawp-akitello” cihna ahi hi. Mangmuhna 18 sungah Pasian in Ama mite khalam Babylon pan a pusuak dingin samkhia hi. Khalam Babylon ii zat gamtatna khat in akitello kamtuam (kampau) zatna ahi hi.
14. Pasian thukhamte thei pipi-a a palsat te Kha in a ompih mah ding hiam?
Johan 14:15-17. Tua ciangin Jesuh in, “Kei na hong it uh leh ka thupiakte zong na zui ding uh hi. 16Keimah in Pa kiangah ka ngen ding a, note tawh a __________ tawntung dingin Thuman a hong lak Kha Siangtho, note hong Huhpa ding a hong pia ding hi. 17Leitung mite in tua Kha Siangtho mu theilo, thei theilo uh ahih manin sang theilo ding uh hi. Ahi zongin note sungah tua Kha Siangtho hong omding ahih manin note in na thei ding uh hi.
Sawltak Tangthu 5:32. Hih thute thei-in teci a pangte pen ko sawltakte bek hiloin Kha Siangtho tawh zong ka hi uh a, tua Kha Siangtho pen amah a um mite tungah Pasian in a khongin a piak ahi hi,” ci-in a dawngkik uh hi.
Dawnna: ____________________
Phawk Ding:
Pasian thukhamte man ding anial mite sungah avanglian mahmah Khasiangtho teeng theilo hi.15. Khalam silpiak te lakah Paul in bang deihhuai pen ci hiam?
Korin Masa 14:4, 5. Pau lamdang a paute pen amau mahmah a phattuamna dingin a pau hi a, Pasian' thu a hilhte ahih leh pawlpi' phattuamna dingin nasem ahi hi. 5Note khempeuh pau lamdang na pautheih ding uh kong __________ hangin Pasian' thu hilh ding siamna na neihding uh ka hong __________zaw hi. Pawlpi in phattuamna a ngahtheihna dingin note lakah a khiatna a genthei pah ding om ahih kei buang leh, pau lamdang a paute sangin Pasian' thu a hilhte a lianzaw ahi hi.
Korin Masa 14:12. Note in zong Kha Siangtho' hong piak siamnate deih belin nei na hih manun pawlpi-a' dingin phattuamna taktak a piangsak ding siamnate mah nget belin na nei ta un.
Dawnna: ____________________
Phawk Ding:
Paul in kitel takin agen in ah, kamtuam ngahna sangin genkholhna ngahna nakpi in hoih zaw hi ci-a tu-in mi pawlkhat te leuleu in Khasiangtho tawh kidim khempeuh in kamtuam pau thei ding hi ci-in hilh uh hi. Laisiangtho sunga Kha (Khasiangtho) tawh kidimna thu ettheih ding 25 val aom lakah, thum vei bek pen kampau (kamtuam) tawh kisai hi. Laisiangtho Thak sunga bu 14 agelh Paul in Corintu Masa sung bekah kamtuam thu na gen hi. Laisiangtho Thak bu 27 lakah kamtuam pau cih thu siksan ding thum bek om hi.
16. Pasian in mite Ama Kha tawh akidim sakna pen bang adeihna bulpi hi ding hiam?
Sawltak Tangthu 1:8. Ahi zongin note tungah Kha Siangtho hong tun' ciangin vangliatna tawh na kidim ding uh a, Jerusalem khuasung, Judea gamsung, Samaria gamsung, leh leimong dongin note in keima thu na gen ding uh hi,” ci-in a dawng hi.
Sawltak Tangthu 4:31. Tua bangin thu a nget khit uh ciangin amaute' kikhopna mun hong __________ hi. Amaute khempeuh Kha Siangtho tawh kidim uh a, hang takin Pasian' thu gen ding a kipan uh hi.
Dawnna: ____________________
Phawk Ding:
Teci ih pan nadingin Pasian in Ama Khasiangtho tawh hong dim hi.17. Mi khatpeuh in Khasiangtho tawh kidim maw kidim lo cih ih gen thei ding hiam?
Matthai 7:20. Tua ahih __________ amau' gamtatna tawh amau' pianzia na thei ding uh hi.
Dawnna: ____________________
Phawk Ding:
Eite in mi khat pen Khasiangtho tawh kituiphumna ngah hi Kha (Khasingtho) silpiakte tungtawn hilo hi ih ci hi, ahih hangin Kha (Khasiangtho) gahte in: itna, lungnopna, kilemna, thuakzawhna, citna, hoihna, upna, migitna le pumpi ukzawhnate ahi hi (Galatians 5:22, 23).18. Bangci bangin Khasiangtho tuiphumna ngah thei ding ka hi hiam?
Luke 11:13. Note mihoihlo hinapi-in na tate uh tungah a hoih piakding theithei na hih uh leh, vantunga om na Pa un a ngente tungah Kha Siangtho __________ kan ding hilo ahi hiam?” a ci hi.
Dawnna: ____________________
Phawk Ding:
Zeisu in akiteh theilo Kha a neih mah bangin eite in zong Pasian in ih beel (lungsim) hong dip nadingin ngen thei hihang, ahizongin eite in Pasian tungah ih lungsim khempeuh apna tawh eimah leh eimah ih kihawmsak nop ding kisam masa hi.19. Zeisu in a manpha Khasiangtho sathau na nuntaakna sungah hong buak dingin lunggulh-in hong ngak hi. Na lungsim leh na ngaihsutna te Topa aw nang hong neih in, tu-in na ci nuam hiam?
Dawnna: ____________________